قصائد نسائية مكتوبة كاملة اكثر من قصيدة ولطمية للنساء مكتوبه
لطميات نسائية مكتوبة,قصيدة لطميات نسائية مكتوبة فزاعيه,لطميات نسائية مكتوبة فزاعية للعباس,لطميات نسائية مكتوبة فزاعية للقاسم,لطميات نسائية مكتوبة للعباس,لطميات نسائية مكتوبة جدیده,لطميات نسائية للكاظم مكتوبة,لطميات عاشوراء مكتوبة نسائية,لطميات ليلة العاشر مكتوبة نسائية,لطميات حسينية نسائية مكتوبة,ديوان لطميات مكتوبة نسائية,
قصــيده لــلامــام الـعبــاس ع
❥❥ـــــــــــــ❁❂❁ـــــــــــــ❥❥
شــد كحـيلتــه ولـــطــف تلكاه
سمع صوت العقيله اليوم تنخاه
❥❥ـــــــــــــ❁❂❁ـــــــــــــ❥❥
حـاويها الـمراجل من زغر سنه
يلتــردون نشــدو كـربله عـنه
عبــاس السـبع والـيوصله فنه
{ من طب طف // زامط خاله }
❥❥ـــــــــــــ❁❂❁ـــــــــــــ❥❥
اولا زلمه يكـابـل صدت عيـونه
الـك رايـات يبن شاعت افنونـه
بس انته سبع فنهم يـلاكــونـه
{ من خزره عيـنه // ايهـابٰونه }
❥❥ـــــــــــــ❁❂❁ـــــــــــــ❥❥
يمحير القاده مخوف العسكـر
وينـه الكبالك عبـاس يمشـكر
مثل صكر البراري بلوسط وكر
{ الـحومه بزوده// يطب ليها}
❥❥ـــــــــــــ❁❂❁ـــــــــــــ❥❥
صار ازامط والعيـالـه رداهــه
انه العباس والجيمات دكاهه
زينب بطفوف اليـوم حيـاهه
{ ربــاط يذب // العـداونـه }
❥❥ـــــــــــــ❁❂❁ـــــــــــــ❥❥
ملك والتاج لايكله ابو فاضل
عنوان وشهامه تعدل المايل
جفك لو صفك رداه للعايـل
{ شردو من اسمه// لعيالـه }
❥❥ــــــــــــ❁❂❁ـــــــــــــ❥❥
تــــمت بقــــ✍🏻لم خادمات أهل البيت عليهم السلام
✍🏻الشــاعره و المـله ام ناديــن المحمداويه
صــاحــبـــه ديــوان كـــفيل الهاشمــيـه
✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
قصيده ثكيله بعدت اطوار بحق مولاتنا العليله ع
قصيده للعليله "ع "(ياگلبي ودكاته)
يا گلبي ودكاته البي
تسمع صوتي ومتحاجي
يابعد الونه المخفيه.... بضعنك ماناقص علويه
شنهي بكلبك ضيم احجي
يا كلبي ودكاته البي
@@@
عندي هموم وارد احجيهه
عندي دموع وارد ابجيهه
عندك بالجربه تخليهه
من تعطش يمك تلكيي
ياكلبي ودكاته البي
@@@
ولدز عباس اعله جروفه
يلجمني اكليبي اعله جفوفه
غدرت مسلم نص الكوفه
يغدرونه ودمه يغطي
يا كلبي ودكاته البي
@@@
هذا گليبي يخاف اعليكم
لاگوم المنكر تاذيكم
من الموت شلون اشريكم
افديكم عمري وتاليه
ياگلبي ودگاته البي
@@@
اتمنه امنعكم بس مگدر
ولابغياب اتحمل واصبر
مخموش گليبي من العسكر
حسين الوالي لاياذي
ياگلبي ودگاته البي
@@@
هذا افراگ ومامش رده
بس چن سيف بنحري اتعده
شابگني حسين وماهده
خلوني اشبع من طاري
ياگلبي ودگاته البي
@@@
الشاعره رسل الابراهيمي
ونورس الحلفي
*من ديوان مصائب الزهراء ع الجزء الاول*
فزاعية سريعة لليوم الاول
عالضامي عزانه اليوم
واللطمه حسينيه
لبن الزهرة ونتنه
ايحسين صرختنه
قصتك والله اذتنه
يامحروم الاميه
هذا الماتم انصبناه
اعلة امصابك الف ويلاه
يومك ابد ماننساه
نبجي اعليك يوميه
موبس نبجي ابعاشور
يومية ندگ الصدور
نذكر راسك المنحور
ونلعنهم بني ميه
نلعنهم الف لعنه
يظل يسيل مدمعنه
الصابك حيل فاجعنه
وخلة الروح محنيه
نجدد كل سنة ذكراك
الشيعة يالولي تهواك
نبجي ونلطم وننعاك
عليك العين معميه
لو تعمة العيون اعليك
مانتعب نظل نرثيك
بالدم والولد نفديك
ونواسي العلويه
نواسي فاطمة البضعه
بمصابك يبو التسعه
وياها نهل دمعه
ولطمتنة جماعيه
*بقلم✍خادمة تراب الزهراء(ع) الكربلائية فاطمة علي صالح الحلفي*
#الطميه_بديوان_أئمة_الهدى_الجزء_٥_.
لطميه للعباس عليه السلام
الك تاريخ وامسجل يعباس
وانته البالكلايف رافع الراس
❥━──➸➽❥💔❥━──➸➽❥💔
وانته البالكلايف تمشي ابزودك
ماخذ هلشجاعه من علي عودك
تنطي ازنودك وما تنطي احدودك
( يا هيبه امعرب اصلك )
❥━──➸➽❥💔❥━──➸➽❥💔
الك تاريخ تشهدلك الحربيه
يمعرب النسل وامك البدويه
يشهدله الفرات الخيم ابميه
( شمراته من عودك ماخذ )
❥━──➸➽❥💔❥━──➸➽❥💔
وانته البالكلايف داكلك ثايه
اليوم ابكربله تشهدلك الرايه
خلاهه طشاش اعله الامسنايه
( بالنيبه امعين يومك )
❥━──➸➽❥💔❥━──➸➽❥💔
يا كافل خدر زينب يسمونه
يا شيخ الزلم واتخوف عيونه
لو هد بالحرايب ما يكحمونه
( لحدوده شلونه اليوصل )
❥━──➸➽❥💔❥━──➸➽❥💔
زلزال ورعيد اليوم هداته
تشهد كربله العباس صولاته
عيب ايهيد لو ينخن اخياته
( اموفيهه الخوه ابزوده )
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
لطميه للعباس عليه السلام بقفلة الهوسه
شال اليوم...شيال الكلافات
شال اوياه.. خدر الفاطميات
➖➖➖➖➖➖➖
شيال الحمل طاح وغفت عينه
طاح اعالنهر جف اليحامينه
نحشمن بعد لو عالو اعلينه
يحمينه// ياجف البعدك
➖➖➖➖➖
شيال الحمل ضل بالمسنايه
عالشاطي طريح ويمه الرايه
ياعباس شنهي نومتك هايه
مضيعينه// شيال الكلفه
➖➖➖➖➖➖➖
شلون تشيل ياعباس ياحيد
وانت التكضي كل كلفه يصنديد
لاعين البقت عدك ولاايد
ياهو اليكضيهه// الكلفه اخلافك
➖➖➖➖➖➖➖
ياعباس اكعد للحمل شيله
بسيفك كوم رجع عنه العيله
زينب رادتك وتحشم الليله
رد العياله// اكعد يل بيك انزامط
➖➖➖➖➖➖➖
عين الضيغمي بسهام صابوهه
وجفوفه بسهم ياحيف كطعوهه
والهامه بعمد نصين طبروهه
لاهامه// لاجف العده
➖➖➖➖➖➖➖
اكعد ياسبع موش الك هالنومه
سل سيفك يوالي ورجف الحومه
تزامط بيك زينب هايجيدومه
راس اختك شيله/_ اكعد يالهيبه
ياهو اليحمينه// نامت عين الكافل
تون ومهظومه// ام عون اعليك الليله
تمت ✍️ الشاعره والمله ام حسين العامري
جلوة القاسم"ع"{{عجني يرمله}}
عجني يرمله حنته بدمومه هاليوم
وطفي بدمعتج شمعته مذبوح مظلوم
❥❥❥❥ـــــــــــــ❁❁ـــــــــــــ❥❥❥❥
عجني يرمله حنته ونوحيله نوحه
عريسج بطف كربله مسلوبه روحه
ويانحره مگطوع الولد وكثره جروحه
عريس مايصلح اله لو طول النوم
عجني يرمله حنته بدمومه هاليوم
❥❥❥❥ـــــــــــــ❁❁ـــــــــــــ❥❥❥❥
مايصلح ينام الولد عالغبره منحور
وحضرنه لزفافه الخيم ياناس وابخور
ماكاشخ بلبس العرس ظل گلبي مقهور
بيك انفجع يوم الفرح دلالي مهظوم
عجني يرمله حنته بدمومه هاليوم
❥❥❥❥ـــــــــــــ❁❁ـــــــــــــ❥❥❥❥
بيك انفجع يوم الفرح يمه يجسام
وانه جنت من الزغر ارسملك احلام
عجنيت حنتك يالولد وامحزمة احزام
يايمه تاليك ارجعت للخيمه ملجوم
عجني يرمله حنته بدمومه هاليوم
❥❥❥❥ـــــــــــــ❁❁ـــــــــــــ❥❥❥❥
لاجمتك اسهام الحرب يالولد جاليش
اتمنيت اشمنك انه واصرخلك افيش
كبرتك بتعب العمر عايفيني اعليش
دلال امك يالولد بالزفه مالوم
عجني يرمله حنته بدمومه هاليوم
❥❥❥❥ـــــــــــــ❁❁ـــــــــــــ❥❥❥❥
مالحگت افرح انه وجابوك ممدود
يشباب يالعمرك ورد دلالي ممرود
اكعد يبعد امك احبن ذيج الخدود
لتعوفني بموقف صعب ولحيل مهدوم
عجني يرمله حنته بدمومه هاليوم
❥❥❥❥ـــــــــــــ❁❁ـــــــــــــ❥❥❥❥
تمت بقلم شاعرات اهل البيت ع
رسل الابراهيمي - غدير الحساني
#صاحبات ديوان سلطان العزاء
فزاعيه لبدايه محرم
ناوي عالرحيل حسين
والبيبان سداها
يوم السدد ابوابه
وشال البيه الهيابه
بدمعت عين سجابه
وحشه الدار خلاها
...........
يوم الغلك بيبانه
دار حسين خليانه
نوه عالموت مولانه
واخته وياه جاباها
.........
جاب ام الخدر وياه
وعباس وجميع اعضاه
مهموم وحزن غطاه
يدري الموت يتناها
........
كاصد كربله المظلوم
كاصد والمنايه تحوم
زينب والكلب مالوم
تهل دموع عيناها
.......
تبجي ولايذه بكتره
تدري الكوم منتظره
لبن امها وكطع نحره
ومحزمه البلواها
✍ام زينب كربلاء
قصيدة(استعدوا للسواد)
الحان العلوية بنت المنهال
❥━──➸➽❥❂❥━──➸➽❥❂
يلا استعدوا للسواد
حسين قادم للبلاد
يلا علگوا الرايه ... والحُسين الغايه
حسين قادم للبلاد
❥━──➸➽❥❂❥━──➸➽❥❂
يلا خل نتلگه زينب
بالدموع وياها ننحب
ياگلبها شگد تعذب
بروحها النيران تلهب
وياه اجت عنايه ... والحُسين الغايه
حسين قادم للبلاد
❥━──➸➽❥❂❥━──➸➽❥❂
بكربله تبدي المصايب
بعاشر حسين العجايب
كل محب دلاله ذايب
العزه نحضره بدمع ساچب
شيعته الوفايه ... والحُسين الغايه
حسين قادم للبلاد
❥━──➸➽❥❂❥━──➸➽❥❂
بيوتنه نفتحهه كلهه
ونبچي لزينب واهلهه
يموت يا تالي اهلهه
حسينهه ويثگل حملهه
نسوي ليه قرايه ... والحُسين الغايه
حسين قادم للبلاد
❥━──➸➽❥❂❥━──➸➽❥❂
وبعد ذبحه والجراله
تروح مسبيه عياله
نظل نبچي عالسداله
بأربعينه انتعناله
نمشي اله مشايه ... والحُسين الغايه
حسين قادم للبلاد
❥━──➸➽❥❂❥━──➸➽❥❂
ننتظر يوم اربعينه
نشيل رايه وگاصدينه
هذا ابو اليمه ولينه
انوح لاجله يبو سكينه
عاده عدنه هايه ... والحُسين الغايه
حسين قادم للبلاد
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:
قصيدة للعباس ع {انكسر ظهري}
الامام الحسين بعد مقتل ابا الفضل ع عندما ذهب الئ خيمة العقيلة كاني به يتكلم مع مهره
هسه انكسر ظهري
يله امشي يا مُهري
عافاني عباس ** عافاني عباس
❥❥❥❥ـــــــــــــ❁❁ـــــــــــــ❥❥❥
عافاني عــــــباس واحس عازاته كثرن
دمعاتي يمـــه اعــله النهر دمـايه مطرن
ابسهم عـــــــينه يا مـــــهر ما بيه اجرن
خل نمشي للحره
بلجن تجي تجره
عافاني عباس ** عافاني عباس
❥❥❥❥ـــــــــــــ❁❁ـــــــــــــ❥❥❥
زينب الحره لو درت تصــــرخ بصوتين
كاسرلي ظهري بطيحته عالماي الحنين
لو يگعد امجان النــهر اهديلـــــه نهرين
بجفوفه ضحه النه
اهظيــــمه اضيعنه
عافاني عباس ** عافاني عباس
❥❥❥❥ـــــــــــــ❁❁ـــــــــــــ❥❥❥❥
لو نوصـــل اخــيام الحرم يامهري گلي
ما بيه ارفع هــــامتي ولا اشوف ضلي
مكسور ضهري ومنـحني من مات خلي
ظهري انكسر توه
من مات ابو النخوه
عافاني عباس ** عافاني عباس
❥❥❥❥ـــــــــــــ❁❁ـــــــــــــ❥❥❥❥
ماشـــــارب امــــــــيه ولزم الاميه بيده
يامهري اخيي شكد وفي وافه لعضيده
امجانه كون انه المــتت واسكن البيده
يا مــوته لو ليه
لفراگـــه ما بيه
عافاني عباس ** عافاني عباس
❥❥❥❥ـــــــــــــ❁❁ـــــــــــــ❥❥❥❥
جاي احس رجليه انحلن وصلينه لخيام
اعليه واضــــح من بعد عايفيني الحزام
هسه العــــقيله تكلي خويه كلي اشضام
شرد احجي يا مُهري
عن عينـــه لو ظهري
عافاني عباس ** عافاني عباس
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيده لام البنين ع(مانهوه الفراگ)
احنه ثنينه مانهوه الفراك
توادعنه وهوه الله صار خناك
@@@
احنه ثنينه ماردنه العتاب
شوف يعوف عينه شنهو الاسباب
يمه لو رحت وج كلبي عطاب
انته وياي وانه لوجهك اشتاك
احنه ثنينه مانهوه الفراك
@@@
يبني بروحتك راح ابجي العيون
عله البلعافيه البيه يشرجون
يكضي العمر وياهم ردت كون
هجر الموت يكلف ماهو ينطاك
احنه ثنينه مانهوه الفراك
@@@
هجر الموت مابياش احمله
عملة كربله مو خوش عمله
تاخذ مني واحد حيل اهمله
كلب بكلب جنه كلوب عشاك
احنه ثنينه مانهوه الفراك
@@@
فدوة تروحلك امك يبنهه
من هسه اعله هجرك بدت ونهه
من البيت طالع مدري منهه
احس من جسمي كلشي بهجرك انباك
احنه ثنينه ما نهوه الفراك
@@@
الله وياك يمه وروحي وياك
واحر من حر جهنم رايح اتناك
اتنوع لطولك مدري عيناك
وعله موتك بكوه ابلعهه الرياك
احنه ثنينه مانهوه الفراك
الشاعره رسل الابراهيمي
قصـيـده الـى هلال محرم الحرام
❥❥ـــــــــــــ❁❂❁ـــــــــــــ❥❥
انـشــرو اعـلام بــهـلال المسـيـه
كـلنـــه نعـيــن زينـب والزجيــه
❥❥ـــــــــــــ❁❂❁ـــــــــــــ❥❥
انشرو اعلام والطمه عله حسين
اهلال الــنايـبه هـل يا مسلمين
كـلهــا تــنــذبح فــوك الترابين
اسباع المرجله اضـل عالوطيــه
❥❥ـــــــــــــ❁❂❁ـــــــــــــ❥❥
الـيوم امكدر زينب يهل النــاس
خـافت عالولي وصاحت يعباس
خـويه اخلافكم تولينه الارجاس
الــف سـوده يهــل كلبي عليــه
❥❥ـــــــــــــ❁❂❁ـــــــــــــ❥❥
ردو اضعونكـم لـو بــان الاهلال
شهر الشؤم هــذا الشهر جتــال
يحركون الخيــم وتروح العـيـال
مــحزونه يخوتــي اشلـون بيــه
❥❥ـــــــــــــ❁❂❁ـــــــــــــ❥❥
ياشـهـر الحزن نفـكــد الولـيـان
يالمذبوح بيك حسيـن عـطشان
وزينب تنسبي ودخلوهه ديــوان
مـــا واحــد كلــف يـنـغر اليــه
❥❥ـــــــــــــ❁❂❁ـــــــــــــ❥❥
نـصيح الله واكبــر كلنـه هاليـوم
نعازي ام الحسن للمات مضلوم
عــاري عالوطيه سلبتــه الكــوم
مــات حسين مـحــروم الاميــه
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره ألعلويه ام كنـــان الهاشمــي صاحبه دواوين أسيره الطفوف
قصيده مصرع العباس والزهراء
شدت احزام ومشت عنايه
عله الشريعه اتشيل ذيج الرايه
من البقيع اتعنت ام حسين اله
لشريعه اتشوف حامي العايله
يبني حمل اختك تكوم وعدله
اشلون مطروح عله المسنايه
وكفت ام حسين عالشاطي وبجت
وعله ذيج الرايه وجفوفه انحنت
اتكله يمه تكوم من عده اطلبت
وهاي ماجانت أبالي هايه
قبلتهه اجفوفه ونوبه تصيح
ليش فوك المشرعه نايم طريح
يمه اخبرك من اجيت انهض واطيح
من الكسر يوليدي الك شجايه
يمك انه اليوم سبع الكنطره
وعبرتي بصدري عليك مكسره
ترضه زينب لو تروح ميسره
وكالت الكافل اريدن رايه
ادري ما ترضه ولا كلبك يهيد
اتروح زينب لسبي ودرب البعيد
بس يبو فاضل بعد يمه شيفيد
طاحت اجفوف الكبل وفايه
لخادمة.الزهراء. العلويه ام جعفر