كلمات قصيدة جود الوفه الرادود حيدر البياتي مكتوبة كاملة
قصيدة | جود الوفة |
الرادود : حيدر البياتي
الشاعر : مصطفى العيساوي
جــود الگـمر و الوفــاية
گبل السفر عدها حچاية
يا جود يبن السمة
يا جود ذل الضمة
عدها حچـاية
🎶〰〰〰〰〰〰🎵
ملت جود الوفة وگالت وراهم سفر
ترستلك مـاي واقـرالك نشيد القـدر
يصوغـة ابني مـن زغرة لحد ما كبر
اريــد بجنـة خيـامـه اشـوفــك نـهر
تگله إستعد ، عليك اعتمد
يغيمة بجلد ، يجود الوفة
احجي بگلب ينبض غيرة
مايك صعب ضل تفسيرة
انخــاك بالموزمة
يا جود ذا الضمة
عدها حچـاية
🎶〰〰〰〰〰〰🎵
اشتريتك للضعن غـالي ودمعتي الثمـن
خذيتـك مـن سمـة مغيمة يجـود الزمن
يبـن شيـخ المطـر عندك امـانــة الضـعن
نذرتك تروي كل ضامي بثواب ام حسن
يتعب العـمر ، مليتـك صبر
واريد افتخر ، يجود الوفة
يمـك بقـت وانـت بكيفـك
اروي البچت حتى بطيفك
مذخور من فاطمة
يا جود ذل الضمـة
عدها حچـاية
🎶〰〰〰〰〰〰🎵
رسمـتك يــم ورد ميـت سكيتــة وعــدل
كتبت اسمك وسط صحرة خضارة اكتمل
الشـرب منك يظـل عـايـش اليعوفك ذبل
يجـود الشــايـل بـروحـك جمـال وخجل
المهـم والاهــم ، كلامي انفهم
وصيتي الخيم ، يا جود الوفة
تريــد الوفـة ، اســمـع مني
تاخذ الصفة ، من متن ابني
مـعروف بالملحمة
يا جود ذل الضمة
عدها حچـاية
🎶〰〰〰〰〰〰🎵
يجود الماي من طبعة يعيش بحفـر
مــايـك يختلف عنـهم صعــد للگمـر
يرتبة بمـتن أبو فاضل يحسدك بحر
وصيتي بكربله احفظها يجود الفخر
دربهم صعب ، و طويل الدرب
ووراهـم حرب ، يجـود الوفـة
هــذا العـهـد بينـي وبـينك
وگت الشدد تروي حسينك
لولاك زمزم عِــمـة
يا جود ذل الضمة
عدها حچـاية
🎶〰〰〰〰〰〰🎵
يجود من السهم حاذر وصيتي الك
ضـم روحـك وره وليدي اذا يحملك
اعرفه يصيب گلب ابني اذا يوصلك
اذا تنـزف عــذب مايك يموت الفلك
يجود السهم ، يعطش الخيم
ويفيض الألم ، يجـود الوفـة
لمن طحت طاح الكافل
انـا صحت يا بو فاضل
ويسيل مايك دمة
يا جود ذل الضمة
عدها حچـاية