كلمات قصيدة حاجيني بويه حسين مجتبى الكعبي مكتوبة كاملة
قصيدة : حاجيني بويه حسين
الرادود : مجتبى الكعبي
الشاعر : سجاد الكريزي
~
حاجيني بويه حسين
فكدك عاميلي العين .. ارجع اليه
مشتاكتلك والروح
تعبانه وكلي جروح .. يابو رقيه
لمن رجع من الحرب مهرك هضمنه
من شفنه ملوي السرج طاحت خيمنه
اتبدل بموتك الحال بغير حال والدلال
.. بويه راح
يالحنانك اخذ مجانه الحبال والدلال
.. بويه راح
~~~~
ردتك تبقه وياي
شيضل طعم ابماي .. بويه بغيابك
عطشانك كلبي وصاح
جرح فراكك ذباح .. آه يا مصابك
لمن رحت كلشي اختلف يالدللتنه
من الخوف نركض عالجمر لمن عفتنه
ردنه ردتك مو يرد مهرك غريب يالحبيب
.. يا حسين
كل دلالك صار بالهيمه سليب يالحبيب
.. ياحسين
~~~~
ضايع ضعنك وينوح
وتنضر لينه ومذبوح .. وتبجي عيونك
يالجنتو اعلينا فياي
زينب عمتي بلا راي .. وتلم بضعونك
ما صارت بوادم كبل ولا مر عليها
حرمه وتطب نار الخيم اطلع وليها
حسين خويه تصيح ضعنك مني ضاع الوداع
.. راح اروح
ويابو فاضل ضل جرحك عندي متاع الوداع
.. راح اروح
~~~~
وحشه بدونك دنياي
التعب دلالي هواي .. صرنا الغرايب
اسرى انطب ولايات
بويه وخلونه نبات .. بنص الخرايب
جرحتنه عثرات السبي وضيمه وعذابه
ومن بيتك النوم الهنا لنوم الخرابه
بعد ما احمل تعبت من الغياب والعذاب
.. خذني ليك
خذني طفله ومو على كد المصاب والعذاب
.. خذني ليك
~~~~
لهنا حدي وماريد
عيشه بدونك يبعيد .. ضلمه الليالي
صغيره وما احمل شام
فززني وهاي احلام .. كلي تعالي
صيحني اشتاك الكلب صوتك يسمعه
وشيلني اجتاف الهزل خلاني انعه
شيلني من الشام لاحضانك حنان للامان
.. والوصال
وحطني ترجيه بأذن هذا الزمان للامان
.. والوصال