كلمات قصيدة عاشور بروحي الملا علي الوائلي الكربلائي مكتوبة كاملة
قصيدة : عاشور بروحي
الرادود : علي الوائلي الكربلائي
الشاعر : حاتم صبري الكربلائي
~
عاشور بروحي عاصمة جروحي
يامرجع نوحي يالهايم بيك
شديت احزامي يا نهر الضامي
صحتك باللامي لبيك لبيك
~~
سفينة الرحمه .. كلبك يبو اليمه
وبحر الذنوب امحاوط العين
بجزيره لو وحدي .. مديت الك يدّي
ما اخاف اصيح وياي الحسين
فدوه لدم شيباتك
خليني بخيماتك
يحسين اني بدونك كائن لا يكون
كالو عني امدوهن
اصلن بيك مسودن
الخادم من يعرفك يوصل للجنون
من سر تكويني انته مسويني
من ترابك طيني يا اصل الحب
يا اجمل دامي يانهري الضامي
صحتك باللامي لبيك لبيك
~~~
دلالي سالفته .. لو انته لو انته
طول السنه بالروح موجود
بلا دمعه لو لطمه .. ابتر واعيش اعمه
وحرام اعوف اثيابي السود
ياحج وعاف الحج
هزني مثل الهودج
يا ريت وبالعاشر تحركني الخيام
يمعلمني الغيره
وامدللني بخيره
هو الحب بس انته والباقي حرام
تحسدني الوادم .. جي عندك خادم
اوياك مانادم .. دربك لو موت
دومك كدامي .. يانهري الضامي
صحتك باللامي .. لبيك لبيك
~~~
في عشقك المبكي .. غلامك التركي
وبيه العشك مامنه مطروق
يم منبرك دم دم .. سيني سفيورم
الما عاشكك ماعنده اي ذوق
حبك لا مو واهس
ماخذ شمرة عابس
عاري وشامر سيفه ويشبك بالسيوف
صاح بذيج عيونك
مجنونك مجنونك
يحسين انته اعكالي ياشيخ الطفوف
ريت بكل عاشر .. تضوكني الحافر
يالجسمك صاير .. في للخدام
يمحلي ايامي .. يانهري الضامي
صحتك باللامي .. لبيك لبيك
~~~~
روحي بمناراتك .. جنها حماماتك
وانه الابدل رايتك ريت
عالكبه مشدوده .. من الحمره للسوده
عالرايه يكتب دمعي جم بيت
حسين ارزقني جروحك
حسين الله يحب روحك
حسين انته شمحلاتك حته لو خضيب
حسين اتعيش حروفك
حسين الدنيا تشوفك
عرش الله بوجهك يالخدك تريب
دمعي شما صله .. يتوسل والله
يعطش عبد الله .. سويني الماي
حققلي احلامي .. يانهري الضامي
صحتك باللامي .. لبيك لبيك
~~~
شهرك هلا بجيته .. دونه الخدم ميته
شهر الحسين انصيح قد قام
من اسمع المقتل .. واكف احس عالتل
أويه حبيب افتر عالخيام
بالموكب تلكاني
صاير واحد ثاني
لو اخدم لو الطم صدري بالادين
هذه يوزع مايه
وذاك مسوي قرايه
وذاك الناس تحبه رادود الحسين
يالروحي تريدك .. حط ايدي بأيدي
بشوغات اوليدك .. خليني وياك
كل يوم بعامي .. يانهري الضامي
صحتك باللامي .. لبيك لبيك