كلمات لطمية عباس لو لاحه مطر سيد فاقد الموسوي مكتوبة كاملة
#عباس_لو_لاحة_مطر 🍃
يبو فاضل دخيلك .. يبو فاضل ...
عباس لو لاحة مطر.. خضّر بوجهه النعناع
عباس شمسين ونهر.. وچفوف والراية اشراع
عباس شايلك عشگ.. لاينشرى ولاينباع
عباس حيرت الخلگ.. حتى القصايد والقلم
ماشايل بعينك بشر.. عباس هنيال السهم
عباس عينك سالمة .. يل چنها خيمة ونايمة ..
يبو فاضل دخيلك .. يبو فاضل ...
ـــــــــــــــــــــــــــــــــ
عباس غيمك بي ضوة.. من تزعل يطيح الليل
تصعد الريح ابلا رسن.. مرات ماتهوى الخيل
من حاجبك حدالزلف.. صوتالعرشصاحدخيل
گاع الله مابيها زلم.. بس انت بالطف خضرت
مرسومة راية بگصتك.. عباس اول ماصرت
عباس ياستر اخته .. حتى العطش بللته ..
يبو فاضل دخيلك .. يبو فاضل ...
ــــــــــــــــــــــــ
عباس عين يصير اذا.. شاف الهوا يصير سهام
من يسمع بزينب اجت.. ينگلب عباس خيام
كلما طلع وجه الكمر.. عباس وجه الله التام
مثل العشيرة وسيرن.. حاجب تلاگه بحاجب
وجهك مسير بي علي.. وكوسر مضيفه الشارب
عباس محد شابهك .. بس اربعينك شاربك ..
يبو فاضل دخيلك .. يبو فاضل ...
ــــــــــــــــــــــــــ
عطشانة وادمنه وفة.. ومنشاربك شربت كاس
والغيرة كلما فرعت.. تلبس مداس العباس
نيشان للخوة صرت.. حطيت ريشة اعله الراس
عباس بيبان العشگ.. من شملت انت الهوه
عباس مطرها نجم.. من رادت الوادم ضوه
عباس بدل الراية .. باچر تجي المشاية ..
يبو فاضل دخيلك .. يبو فاضل ...
ـــــــــــــــــــــــــ
دمي دمك واله الحق يحاسبك
اليوم يوم الوفة وراح نطالبك
موش من العطش جينه انعاتبك
عيني عطشانة اعله رفة شاربك
وانه ماضم اعليك .. شيلتي تأمن بيك ..
امي لفتها وبعدني اعليها
يبو فاضل دخيلك .. يبو فاضل ...
ــــــــــــــــــــــــــــــــــــــــــــــــــــــــ
نفه لچفك وكف اردانه
شد عَالمطهم وتيه اعنانه
اليزامط روحله لميدانه
انت اخو العلوية موش فلانة
گلها زينب ممنون .. انه تربات ام عون ..
موش زينب غيرتي مسميها
يبو فاضل دخيلك .. يبو فاضل ...
ــــــــــــــــــــــــــــــــــــــــــــــــــــــــ
گبل لاروح ارد اگول احچاية
راح اذل الشط وارخص مايه
جثث راح انشر ع المسناية
الا تعثر بيهم المشاية ..
باچر آلاف الناس .. تزحف لچف عباس ..
اسواية اسوي المحّد مسويها
يبو فاضل دخيلك .. يبو فاضل ...
ــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : سيد محمود الموسوي