كلمات قصيدة واعية مصابك محمد باقر الخاقاني مكتوبة كاملة
القَصيدة: واعِية مُصابك
أداء:محمدباقر الخاقاني
كلمات:احَمد الهلباوي
ـــــــــــــــــــ
يَا عِشگ زِماني..عَاثِر وهِداني
نَاسي واحتواني..وللحُبّ دعاني اله
هَايم واسَيره..ما قِبلني غيره
ولا عِشگ همت بي..الّا عِشگ كَربله
دوّرني گلبه ولِكاني وآنه داير عنّه الوجه
لو مَا رحمته وعزاءه ومدّت ايده وين اتجّه؟
دَعاني اله..وبچَه اعلمودي..حُسين
كِياني انتفوه..صُبح وجودي ..حُسين
حُسين..آه
ـــــــــــــــــ
آنه يا هُو حتّه..جَاي اليّه انته؟
وجَايب الضَعينه..مِن المَدينة حَدي
اخذ ايدي يَم ضَعٌونك..ادعيلي مَا اخونك
وخَادِم ابقى عِندك..وانتَ المَلك سَيّدي
عَيّشني نَار انتظارك وبَ قَرارك ابَچي بَ حِزن
خلّيني اعيشن غَرامِك ولخِيامك اقرأ و اونّ
حَبيبي..فِدا الي حَياته.. حُسين
حَبيبي..كَسر گلب بَناته..حُسين
حُسين..آه
ـــــــــــــــــ
هَاجِرت اليّه..ويلي والمِنيه
حَاطت بَ رِحالك..گلبي بَ جَمالك هِلك
ادعيني اردّ اطُوفك..وين اروح اشَوفك
سَافِرت دَمعتي ..قَبل صَرختي الك
للغُربة جَايب دلالك وبَ عِيالك والطَف جَرح
يَا هُو يضلّ لخواتك ولبَناتك مِن تَنذبح
مُصابي..جَسد عَلى الوطية..حُسين
مُصابي..عُطش گلب رُقية..حُسين
حُسين..آه
ـــــــــــــــــــ
يَا مَلك جَروحي..بَ بابك الگه رُوحي
گاعد اعَله دَربك..اتلگّه ضَعن العِشگ
خَادِمك واريدك..مَتاني مَدّت ايدك
عَايش لخِيامك..بيها انَطفي واحَترگ
للحُومَة جَايب حَميتك واهل بيتك لأهَل الغدر
يَا وسَفه جَرحوا كِيانك وبَ لِسانك جَمرة صَبر
حَياتي..نعي وبَچي وغَرامي..حُسين
حَياتي..حِزن ضَمه وانادي..حُسين
حُسين..آه
ـــــــــــــــــــــ
واعية مُصابك..ضَاعت بَ غِيابك
صَارت العليلة..مِثل سَبيه بَ ضعن
صَاحت انتظرني..موداعك كَسرني
وين اردّ يَ بويه..ومَا عِندي وطَن
امَشي واصَبّح غَريبة والمُصيبة گلبي صَفن
مَا بيّه اكمّل حَياتي كَل خواتي للطف مَشن
ونيني..دَمع جَره وينادي..حُسين
حَبيبي..جَرح بَقه بَحياتي..حُسين
حُسين..آه