كلمات لطمية حسينا الرادود خضر عباس

 كلمات لطمية رحل محمد باقر الخاقاني استشهاد الامام علي عليه السلام

 القَصيدة: رَحَل

 أداء:محمدباقر الخاقاني

 كلمات:عَبّاس الشِبلاوي

ــــــــــــــــــــــــــــ

رَحل عَنّ النَظر ضَواه

مَشه وگلبي الحِزن خذاه

احَن كَل مَغرب لهواه

ـــــــــــــــــ

بَدأ غَروب النعي ويَا شدّة غَروب اليّمر دُون وجَهك..يَا عَلي

يَغافل مَسمعي صُوت الهَجر ويشَب الظَنون فَگدك..يَ الولي 

كِلمة..انا الصَرت انحني بَ كِلمه!

عَلي رَاح وطَفه رَسمه

وخِلت دَار المَحنّه مِن المحنّه..وشحّت البَسمه

كُبر بيّه اليَتم..ثَالث حِلم

بَ عيُوني رَسمه مَات

لگه مَچانه التعب..بيّه وسِلب 

مِن عُمري الاُمنيات

هَسه آنه مَكسورة گلب ..ومَشابگ اُمنيتي التُرب

مَا ضلّ حَضن يندل غُرب..رُوحي 

احَچي بَ جِراح ليّا حَضن..ويّا ذِكرى اشَبگها مِن احن؟

مَستوحد رَسوم الجَفن..نُوحي 

غَريب العَافه ابوه غَريب

تَفيض عيُونه كَل مَغيب

ولا تهدأ بَدليله آه

رَحل عَن النَظر ضَواه

ــــــــــــــــــــ

خِلي دَياره الضوه ومَحاوط اكَتاره اليَتم صَار واهَله بِلا صِبح 

الوجَع صار الدوه وديّه البَچي لكَل ذِكرى بَ الدار والشُوگ بَ جرح 

ذِكرى.. تطشّر حِيلي الك ذِكره

واردّ التم بَچي وحَسره

انا الصَارت تطفّي جَمرة فَراگ..الابو بجَمره

مَشه بروحي الجِفه..سَكته وطفه

شُوفي وأخذ هَوايّ

يغث خِلگي السَهر..والنوم امرّ

وبَشنهي تَگضي هَاي

حَيّرني فَگدك مِن صَدگ..جَفني اعَله بُعدك مَحترگ

لا گاعد ولا مَنطبگ..سَاكِت 

مو تَوني عِشرة ويّ الهَجر..لاچن كَسر فَگدك كَسر

بَسمار چَنّه وبَ الصدر..نَابت

يَتيمه وصَبري مَنذبح 

صَرت بَ الصفنة انجرح!

أخذ حِيلي اليَتم وراه

رَحل عَن النَظر ضَواه

ــــــــــــــــــــــــــــ

ورَا جَروحي البُعد صُورة كَسر تَذبحني كَل يُوم بَ فِراگك يَهل 

عَلي مخضّب يَردّ ما يَگوه يَمشي يطيح ويَگوم المّا طايح قَبل!

حِيله ..وگع وتعذّراه حِيله 

يدوّر چَف يتچِيله 

هَاي التهضم بَ رُوح العَقيله..ومَا هدت ليله

شَگد حَاول يَضم..دَمع الهَضم

بَس الجَرح ثَگيل

خَذاه نَزف الدِمه..حَامي الحِمه

ويَگلي مَا الي حِيل !!

چَانت اشدّ مَنظر الي ..ولا رَاحت مِن مخيّلي

عَ الگومه مَا يَگدر عَلي ..صَاير!!

مَا هانت اعَليه طِيحته..گدّامي ويضَم عَبرته 

تكَسرلي خَايف هَضمته..خَاطِر

جَريح وگلبه ليّه هَم

حَنانه ما يگطعه الم 

عَلي ويَا كَسرتي بَ جفاه

رَحل عَن النَظر ضَواه

ـــــــــــــــــــــــ

رُغم ذَاك الجَره وحَاله ونَزف جَرحه الگصه ويّاه چَان عيُونه الي

نَدهلي حَيدره ورَحت اركض وطَحت اعَله يمناه صَاح اسَمي عَلي

زِينب..گلت ها يا بعد زِينب؟؟

وانا ابَچي وهُو يتعذّب

ينشّف دمُوعي بَ ايده..ودَمعه لعيوني وحِزنهن صَب

حَچي بَگلبه ورَدت..اسَأل خفت

ما ردت ازيده نَار!!

مَلامِح نَظرته.. لبنيّته 

چَنّها ارسمت نَهار!!

بهَذا النهار تحيّرت..بي كَلشي عَطشان وخفت 

يا بُويه هَاي المَن گلت..لينه 

گال اي يَ زِينب كَربله..وهَذا الظُهر ظِهر الفَله

البَاچر تمرّ ع العَايله..سَنينه 

تَهون جَروحي والدِمه 

لهَضيمه بَ عاشر الضِمه 

اشدّ مُصيبة كَربله 

رَحل عَن النَظر ضَواه

تعديل المقال