كلمات لطمية حسينا الرادود خضر عباس

 كلمات لطمية اشكيلك الحال محمد باقر الخاقاني مكتوبة كاملة

 القَصيدة: أشَكيلك الحَال

 أداء:محمدباقر الخاقاني

 كلمات:مُرتضى اليَاسري 

ـــــــــــــــــــــــ

عَلى دمُوعي بيتي حِزن

ضَوه شمُوعي تراب اندفن

حِنه ضَلوعي..مَمشه الضَعن 

الي غَوالي..بَليل اضَعنه 

ومِنو بَقالي؟..كَلهم مشَوا

وطَفه دَلالي.. گمرة انطفوا

يَا عَلي تنخّيتك..طَفه بَيتك..حَسين بَ عِياله مِن شَال

مَا بَقه ضَوه بَ صُبحي..بَقه جَرحي..واله كَل صُبح دماه سَال

احَضرني يا أبا الحَسن

شوف شَسوه بيّه الزَمن

اخذ لَ نينوه..حُسين

بَشدّة آنه يابو الشِدد 

مِن هَالغيبة گلبي انمرد 

فَارگت الدوه..حُسين

مِن الضَعن شَال..گلبي انَطعن 

اشكيلك الحَال..يا أبا الحَسن

ــــــــــــــــــــــــــــ

عَلي جِبتني مو مَرت ابو

بَ خِدمة الزمتني وگتلي كَفو 

واللوعّتني اخَدِم مِنو؟

مَشه حَبيبي بكَب عِيلته 

بَقه نصيبي بَس طَفلته 

صَفه نَحيبي اعَليه خِدمته

اتحسّرت و اونّ بَ إسمه..النَعي خِدمه..ولَطفلته انعه يَحِسين

اقرأ والچَم جِروحي..ابو رُوحي..عَايف يتامه اله اثَنين

يابو اليَتامه شَفت 

يتّمنه وخَذاه الوكت 

والونّ مَا هِده..حُسين

مَا عِدنا غيره حچي

يَمسي ويصَبح اعله البَ‏چي 

الفَاگد سَيّده..حُسين

ال شَم غُربة وانزال..عُطر الوَطن 

اشكيلك الحَال..يا أبا الحَسن

ــــــــــــــــــــ

احچي رِسالة لصوب الغَري

والله وصِاله لو يَنشري 

لضَوه خَياله بَ رُوحي اشَتري 

لوعة اشَتكيلك وبَجمره احس 

عَلي دَخيلك شَيردّ امس؟

مَاكو بَديلك ردّلي الشَمس

انعمت عَليه عِيني..ضَوه عِيني..مَشه عَنّي اغله الاحَباب

نَاري عُگبه لهّابه ..بَ غِيابه..اسَأل واردّ بَلا جَواب 

طَلّعني گوه تره 

فِراگ حَسيني يا حَيدره

شَحّ بيّه هوه..حُسين

أسأل عَليه بَ قهر 

يا اهل الغِيره ما شفتوا أثر

ما شَفتوا لِوا..حُسين

گدّامي الاشكال..دمُوعي انچفن 

اشكيلك الحَال..يا أبا الحَسن

ــــــــــــــــــــــــ

ال لگه مُصابه ما يستقرّ

شَري شَرابه نهر الهَجر

عَلى غِيابه انطيني صَبر

شَكه دليلي نار الولع 

حَچي عَويلي ليك انَرفع

ترا خَليلي نَازح طَلع

نَازح وترك دَاره..عَلى نَاره..حَسين انهضم يَابو حَسين

بَ المَدينه ما امّن..مَشه المن..گلت الَ يأمّنه وين

بَ دِياره دمّه انطلب 

شلون ولو وصَل هَ العرب

تَتشفه بَ دمه..حُسين

وبَبُغضك يَحاربوه 

ثأر ومِن بَدر يَطلبوه!

ويبچّي السَمه..حُسين

وشَلون لو مَال..حِمل الضَعن

اشكيلك الحَال..يا أبا الحَسن

تعديل المقال