كلمات قصيدة زينة زفافك محمد باقر الخاقاني مكتوبه كامله
لطمية زينة زفافك | الملا محمد باقر الخاقاني
زينة زفافك بالحومة ضلّت
يالما خذتها دمعاتي هلّت
و الخيل غارت و عجتّها وصلت
تراب الخيول الغايرة لخيمتنا من طب
خفت اعله زينة زفتك لا يمها يگرب
ما فاد خوفي والورد يمه تتّرب
من شفت منظر زينتك گلبي تصوّب
بدلّالي يتيمه آمالي
يابو سنين آمالي الصارن عجاف
بدلّالي هظم و ببالي
صور بيها أنثر وردات الزفاف
بدلّالي تضل يالغالي
جروحك و ابقى على جروحك أخاف
وين ألكى الها ضمد
حاچيني يالولد ..(٢)
ــــــــــــــــــــــــــــــــــــ
دمعاتي كسرت گلب الفواطم
بعيوني شفتك بالشمس نايم
شيقنعه گلبي هذا أبني جاسم
من مصرعك شفته گلت يبني يغالي
بلكت حلم طف كربلا مَر بخيالي
وي عمك تموت أدري بس مااجه على بالي
بالحومه متطشر يضل تعبي و دلالي
حاچيني سوه ماشيني
الشمس ما ترحم ألوان الربيع
حاچيني أرد أصدگ عيني
على تراب الطف هذا انت الصريع
حاچيني يـتعب سنيني
أنهدم حيل أمك يا سورِ المنيع
يا بيتي والعمد
حاچيني يالولد ..(٢)
ـــــــــــــــــــــــــــــــــــ
بيمن أجينا و ألمن وصلنا
صارت تعازي مبارك عرسنا
ماعندي خيمة بس عندي حنّه
يوليدي عاش لزفتك چم طيف بية
كلشي انتهى و بس أمنيه ضلّت الية
راحت الزفه و رايده دفنك بيدية
تاليها حتى موادعك حسره علية
آه يبني اعله هزّل لنّي
مشيت و ماتت آمال الوصال
آه يبني أمر عذبني
من أيديه الحنّه بدتّها الحبال
آه يبني ولا وادعني
وسف ودعته أعله ظهور الجِمال
هالحالة شمنها أشد
حاچيني يالولد..(٢)
ــــــــــــــــــــــــــــــــــــ
ذيچ الأماني صارن مصايب
يالعفت گلبي ونمت بترايب
گلبك عبرته ورحت لخرايب
ركاب الحراير من صبح ظهر الهزايل
أيسنا محد يرحم گلوب الثواكل
وأختك شريفه على الهزل مدمعها سايل
تنعالك الچانت لكن محضره الهلاهل
يوليدي يبسمة عيدي
رگد حيل أمك يالمنطيها حيل
يوليدي ألك يوحيدي
دمع عماتك وي ممشى الهزيل
يوليدي الرحت من إيدي
بجفا رسومك جف من عندي الدليل
يا ذخري بالشدد
حاچيني يالولد ..(٢)
ـــــــــــــــــــــــــــــــــــــــ
- زينة زفافك
الرادود | محمد الباقر الخاقاني
الشاعر | السيد مرتضى الياسري