كلمات قصيدة يابعد اخوك وينك الرادود خضر عباس مكتوبه كامله
لطمية يابعد اخوك وينك الرادود خضر عباس
يا بعد أخوك وينك
صمتك نهايه
ـــــــــــــــــــــــــــــــــــــ
من قبل ما تترك خيامي
چنت أشوفك روحي گدامي
يمك أتناسى الگلب ضامي
وآلامي يحزامي
من كلتلي الدنيا خلصانه
والحرم بالخيمه عطشانه
صارت أحلامي بخبر كانَ
صرت آنه مو آنه
روحتك ضيعة أخو چبيره حيره
وأنه صبري خلص حلمي نقص
يوجع فراگ الأخو هوايَ بهايَ
بقىٰ جفني يهل و آنه عدل
أرد استراح وينك ها يالحمايه ..(٢)
ـــــــــــــــــــــــــــــــــــــــــــــــــــــــــــــــــ
ماحسبت حساب المجافه
اليفگد الأخ تذبل شفافه
تثكل حموله الـ على أجتافه
يتعافى لو شافه
يا ألذ نسمه بهوى انفاسي
غيبتك فكت حزن راسي
ها ياجارح گلبي و احساسي
و انفاسي عباسي
ما يطيب البي كسر گوه هوَ
اليجافي هله شيبقى اله؟
يابو فاضل خلتك خلّه علّه
بلا كلمة أخي ببيش أنتخي
ها يالحنين وينك ما عندنا رايه
ـــــــــــــــــــــــــــــــــــــــــــــــــــــــــــــــــ
من لگيت الرايه ممدوده
گلت ابو فاضل وگع جوده
هسه أخوي انگطعت زنوده
و خدوده ممروده
يعني گلبي بفگدك يعاني
يعني يم صيواني ما اتاني
وأرجع لزينب شخص ثاني
تلگاني بأحزاني
شرد اگللها العطش شفته بگصته
دمه وجهه جرى و هيَ مره
لو اكلها شسوت الضفّه بچفّه
ضما گلبه شبع زنده وگع
زينب تصيح وينك عن العبايه ..(٢)
ـــــــــــــــــــــــــــــــــــــــــــــــــــــــــــــــــ
راح اتركك والظهر خالي
راح أرد بس اني و خيالي
ودعت غالي بظهر غالي
وأطفالي تبرالي
هو هذا اليفكد اعزازه
ينحني و ما يلگه عكازه
يبقى عايش مثل الجنازه
والعازه لأعزازه
يا جبل ظهري انكسر توه گوه
وصلتلك أنا و طولي أنحنى
هسه قلّت حيلتي و تدري صدري
بلا أخوة حرس داسه فرس
يتشمتون وينك يا اجمل آيه ..(٢)
ـــــــــــــــــــــــــــــــــــــــــــــــــــــــــــــــــ
بغضاً بأمي و علي الداحي
ضل يمثل بية ذباحي
غمضت بس القدر صاحي
لأجراحي ونياحي
دنيا كل مروه مابيها
كل حلم ما ينبني عليها
أخذت ام عون من أهاليها
توليها تسبيها
هي هاي الدنيا خوّانه وآنه
گضه نحري ذبح شاله رمح
باچر انظر حرمه يم حرمه هضمه
ضعن آل النبي يمشي سبي
عن النساء وينك راحن سبايا ..(٢)
ـــــــــــــــــــــــــــــــــــــــــــــــــــــــــــــــــ
- يا بعد أخوك وينك
الرادود | خضر عباس
الشاعر | أمان شهيد المرشدي
الكاتب | الميرزا محمد المياحي