كلمات قصيدة ٣ دكات واجب نشوفه | الرادود زيد بقر الشام مكتوبه كامله
لطمية ٣ دكات واجب نشوفه | الرادود زيد بقر الشام
وديني خوية للگمر واجب نشوفه
خليني أقبل هامته و أحضن چفوفه
ـــــــــــــــــــــــــــــــــــــــــ
أختك وريد اطلب طلب ياخويه يحسين
وديني صوب العلگمي يم گرت العين
بس القي نظره عالأخو إبن الثلاثين
خليني اودع كافلي مابية اعوفه
مابية أمشي بوحدي لإبن الصميده
لو تدري عني المشرعه صارت بعيده
بلياك تعرف انولي حرمه و وحيده
كلساعه من هذا الوضع تاخذني خوفه
ضيف العضيد أرد اجي و الهَم يجرني
بالشدّه عباس البطل لا ما هجرني
ميّت أخويه اعله الجرف بس منتظرني
حي ميت للساقي طبع يكرم ضيوفه
ماريد اعاتب كافلي تاركني بضماي
وشلون عبدﷲ الطفل يتنطر الماي
روحي تيمّه عن سبب اتشكره هواي
رغم العدو يم جثته محشد صفوفه
ـــــــــــــــــــــــــــــــــــــــــ
وﷲِ إن قطعتموا يميني
إني أحامي أبداً عَن ديني
وعَن إمامٍ صادقاً يقيني
سبط النَبي المصطفى الأمينِ
هذا اليصيح بغربته صادق يقيني
قبلتي صارت كربله و حسين ديني
انه الأروح لمصرعه لا لا يجيني
ادري بظروف الغاضر تموت ظروفه
لو تدري بعيوني عمت من سهم عينه
ماتن اديه من انكطع بالطف يمينه
عافيتي راحت بالعمد من طر جبينه
كعبة وفه بالطف ردت وياك اطوفن
لا والله لا ما ابتعد عن أعز ناسي
قاسي القدر عالحيدري وعليه قاسي
ارد ارفع كفوف البطل ذني على راسي
والنعم من الربته الأم الرؤوفه
ما گطع عني بكل ظرف عينه لأخيته
حنيه خويه والخجل كلها بنظرته
خاف من اشوفه بمصرعه تلكاني ميته
يا وسفه بالغيم الگمر دايم خسوفه
ياعلي يا أبا الحسن أنت حماي الدخيل
الى الله المشتكى بعد الگمر
بالخيام الحزن لن حج و أعتمر
چم گلب ويلاه بالطف انكسر
الراح ما يرجع بعد لمچانه
نايبه والألم قد عم الجميع
وضاگ يوم العاشر الصدر الوسيع
مو ابو اليمه أنكسر ظهر الرضيع
ما يناغي و انچوه بلسانه
عگب ما طاح الگمر صار الخسوف
بدون أبو فاضل تره ظلمه الطفوف
طفت عين ام الصبر لا ما تشوف
يعين الله الفاگده العطشانه