كلمات قصيدة شيخ بني هاشم | مسلم الوائلي مكتوبه كامله
لطمية شيخ بني هاشم | مسلم الوائلي
قصيدة: شيخ بني هاشم
أداء: مسلم الوائلي
كلمات: علي البو حمد الموسوي
~~~
بنورك يبدر العشيره
نجمة الشعرى منيره
القدسيتك اختارك الله
هارون اخوك او وزيره
موج متلاطم .. شيخ بني هاشم
ابو الفضل .. ابو الفضل
~~
يا فرع من اطهر واشرف اصل
الفضل يستسقي من عندك فضل
رادوا يحجمونك وگطعوا اديك
وانت كلما تخسف اترد تكتمل
المثلك الموت بيمينه
ينوصف حامي الضعينه
وانت ابن حامي الخدر
حته من طلعن سبايه
راسك اتوله الحمايه
يمشن وراسك ستر
أربع سنين انت ساقي
باقي اللقب وانت باقي
جان العطش يعتنيلك
ويتوسلك فك وثاقي
خير متفاقم .. شيخ بني هاشم
ابو الفضل .. ابو الفضل
~~
نذكر من ألقابك الحسنى عدد
العابد الفادي المؤثر والعمد
وكاشف الكرب اعله وجه حسين اخوك
شما تضيگ يصيح ابو فاضل مدد
والصدوق شگد روالي
ولو رجعنه اعله الامالي
شوضحلنه بمصدره
أثر وابلى بجروحه
للحسين وانطى روحه
هذا سبع الگنطره
يروي المفيد اعله فضلك
ربك يجل اليجلك
حسين بعظمته وكماله
اركب بنفسي يگلك
سيف علي قادم .. شيخ بني هاشم
ابو الفضل .. ابو الفضل
~~
بالزياره الفادي والساعي انذكر
وحصلت ساقي الوجود بكل فخر
النيل اذا اقيسه بجربتك عوزه ماي
الجربه مصدر منها يغرف جم نهر
يالترس كون الله مايه
يا ابو جربه الجربه آيه
بكربلاء اترتلت
باب الحسين اليجيلك
منك يفوت الخليلك
روحك بروحه امتلت
گد ما ملكت ابتسامه
غيضك يمثل قيامه
غير انت كبش الكتيبه
وحامل لواء الإمامه
زود متناغم .. شيخ بني هاشم
ابو الفضل .. ابو الفضل
~
يا مؤثر باللقب هذا التمس
قدمت غيرك عله نفسك درس
الإمام الصادق بحقك يگول
المواسي الضحه لحسين النفس
نافذ الحب والبصيره
يالضفت للغيره غيره
اشتنحجب نورك جلي
انت تاريخك كتبته
ويكفي اذا سيفك سحبته
الوادم اتشوفك علي
يا وجهك ويا جماله
حول القمر تلگه هاله
وصاك ابوك اعله زينب
غير انت گد الكفاله
بهاي منو عالم .. شيخ بني هاشم
ابو الفضل .. ابو الفضل
~
هسه لازم نختم بهذا الخبر
عن عظم منزلتك وانت الگمر
ظهر الحسين وصدگ ظهره بدليل
هو گلك من طحت ظهري انكسر
وضع الحسين شنفسره
من يرد ومحني ظهره
منك وشابع بجي
بطيحتك زادت بلوتي
يا عمد روحي وتجوتي
بغيبتك وين انتجي
من خلال اللي فهمته
من الحسين وسمعته
اي يقيناً يا ابو فاضل
روح اخوك وظهره انته
سور متلاحم .. شيخ بني هاشم
ابو الفضل .. ابو الفضل