كلمات قصيدة مانمنه ومن البارحه امتانينه سيد فاقد الموسوي مكتوبه كامله
لطمية مانمنه ومن البارحه امتانينه سيد فاقد الموسوي
ما نمنه و من البارحة متانينه
طلعت شمس و حسين ما رد لينه
ـــــــــــــــــــــــــــــــــــــ
مو خوش ليلة التگضي وي عدوانك
ماتن بيديه هواي من نسوانك
ياشيخ والمو گدها طب ديوانك
مو خالي ذباحك گعد بمچانك
من أمده الدنيا التطلع عينه
ما نمنه و من البارحة متانينه ..(٢)
ــــــــــــــــــــــــــــــــــــــــــــ
صعبه من أكلك بس أكلك بيها
ذباحك يوصي الزلم تاليها
هاي الحرم بالماي گوم اسگيها
بس لأبوها حسين لا تنطيها
منها و گلت عباس يبطي علينا
ما نمنه و من البارحة متانينه..(٢)
ــــــــــــــــــــــــــــــــــــــ
ياروحي عطر حسين هذا اشتمي
و بصفي دم هواي يشبه دمي
ثاري الگطع نحرك يزيد همي
جاب السيوف الذابحاتك يمي
ترضى السيوف الذبحتك تحمينا
ما نمنه و من البارحة متانينه..(٢)
ـــــــــــــــــــــــــــــــــــــ
أسمعهم يكولون هذا الزلمه
تردونه يگعد شتموا زينب يمه
گد ما نزف گالولي هاي الچلمه
طفينا حتى خيامچن من دمّه
يالما گطع دمك وتگطع بينا
ما نمنه و من البارحة متانينه..(٢)
ـــــــــــــــــــــــــــــــــــــــــ
خوية ابتشايم خلصينه العاشر
گلت ارد اودعك خاف اروحن باچر
گالولي جوة الخيل جسمك صاير
تردون ابوكم روحوا دوروا الحافر
متعيني بس لا داستك رجلينا
ما نمنه و من البارحة متانينه..(٢)
ــــــــــــــــــــــــــــــــــــــــــ
-ما نمنه و من البارحة متانينه
الرادود | سيد فاقد الموسوي