كلمات قصيدة كلبي مايحمل عتبچن سيد فاقد الموسوي مكتوبه كامله
لطمية كلبي مايحمل عتبچن سيد فاقد الموسوي
قصيدة :كلبي مايحمل عتبجن
الرادود :سيد فاقد الموسوي
الشاعر :عدنان الغزي
ـــــــــــــ
كلبي مايحمل عتبچن والعتاب يلوعه
شلون اوصل الماي ليچن والجفوف مگطعه
مو محل عتبچ يزينب عتبچ يحز الوريد
ونار دلالي سريه وعتبج بناري يزيد
جفوفي ظلن عالشريعه ودربي يازينب بعيد
وشيوصلني لرقيه بهل الصحاري الواسعه
وشيوصلني لخيمچن واعتذر لم الرضيع
حته اراويهه الجفوف وسهم البعيني الفضيع
ولا رسول اليمي احشمه الگل عله الغبره صريع
سباع متروسه الثنيه الگل يلوج بمصرعه
عمي ياسكنه ارد اشوفج واعتذر منج لزوم
انه كثره هموم بيه وهمج اول بالهموم
فصلت جسمي المناصل واصبحت مابيه كوم
المستحه منچ فجعني الموش چتلي الفاجعه
يوم طبيت الشريعه وجودي بالماي أمتله
الروح والعين ارخصتهه وكون اروي العايله
الجود ماي الجبته ليچن ماتبده بكربله
الجود ظل ينحب بديه وهل عليچن مدمعه
يختي ذبتني المنايه بكربله ومحتوم اطيح
ويبس بلعومي ولساني وبعد مابياش اصيح
سيوف ورماح المحتم موش بس منهن جريح
الكطعت كلبي الوصيه وجلمت اختك موجعه
ولوعة المامنهه لوعة حسين ظل لوحده
خاليه الحومه من اهلهه وفگد اخوه الظاهده
وامست الدنيا عله اخوي بكربله تحيطه العده
ولا معين ولا نصير بهل المصاب يفزعه
شلون بيچن يا بنات العز ينهران الخدور
اليوم چنهه الغاضريه تحشم لكطع النحور
وبحوافر خيل اميه نداست اشراف الصدور
وجدمت چنهه المحامل والدروب مشرعه
وانوت ولامن يردهه ولامن عليهه يذود
وادري يازينب ردايه تهظمچ خلاف الحيود
الموت حتم والتسدر بالحتف لا مايعود
وهاذه حدي ولا اگولن غير خويه مودعه
وسلم العباس روحه ودينه لليطلب گضاه
ومستحين اعداه منه وكل ضمي بدمه رواه
اهتز علينه الكون كله بكل اراضينه وسماه
ونور التاريخ چتله وسجل أفجع واقعه