كلمات قصيدة امشي ويانه | الحاج عمار الكناني مكتوبه كامله
لطمية امشي ويانه بندريه | الحاج عمار الكناني
الاداء: الحاج عمار الكناني
الشاعر: احمد الهلباوي
ــــــــــــــــــــــــــــــــ
ضعن اهلي شال الكربلاء وماتانه
وبنفسي ضلت چلمت امشي ويانه
من هسه راح ابچي اهواي
وحزني يشد حيله وياي
ما تانو يطر الفجر اهلي ولا تانوني
شالو ونگعت شيلتي من گد بواچي اعيوني
ابليلتها ضليت انتضر ياهلبت يصيحولي
صاحو خواتي بالاسم وصلت الي وعبروني
چا وانه گالولي انتي ما مكتوبه
يلوح السبي الماينحمل وادروبه
راح ابقى مشدوهه راي
وحزني يشد حيله وياي
وبنفسي ضلت چلمت امشي ويانه
ضعن اهلي شال الكربلاء وماتانه
وبنفسي ضلت چلمت امشي ويانه
من هسه راح ابچي اهواي
وحزني يشد حيله وياي
خلصت تواسيلي ابهلي وللزهره وجهي انطيته
گلتلها يايمه الضعن الكربلاء صارت نيته
ماضل اسم غالي بعد على حسيني مامشيته
يباوعلي ويدير الوجه ويشهگ بچي حسيته
شيصير لو حن والدي وگال امشي
هاي اني طيبه وگادرة احمل كلشي
يازهرة اشفعيلي ابهاي
وحزني يشد حيله وياي
وبنفسي ضلت چلمت امشي ويانه
ضعن اهلي شال الكربلاء وماتانه
وبنفسي ضلت چلمت امشي ويانه
من هسه راح ابچي اهواي
وحزني يشد حيله وياي
وبنفسي ضلت چلمت امشي ويانه
يازهرة مري ابوالدي وادري انتي موش ابعيده
گليله گلبي من امس يمشي الهضم بوريده
كلساع احاچي عالسفر وكل ساع ابوسن ايده
خل اعطش اوياك المهم هين ركاض البيده
احمل سبي ومااحمل افراگك دوم
وياك اموت ولا اموتن كل يوم
وصلك دوه وهجرك داي
وحزني يشد حيله وياي
وبنفسي ضلت چلمت امشي ويانه
ضعن اهلي شال الكربلاء وماتانه
وبنفسي ضلت چلمت امشي ويانه
من هسه راح ابچي اهواي
وحزني يشد حيله وياي
يايمه يازهراء گضت وراح الضعن ماتانه
منها ومصايب كربلاء التمن عليه اهنانه
عماتي راحن ينسبن ووالدي يشب صيوانه
غربه اليذبحونه وغرب يصيرون اله دفانه
ويطيح ابوي وماله اخو يتچيله
عمتي على التل تصعد وتوميله
خلصو عمامي اعلى الماي
وحزني يشد حيله وياي
وبنفسي ضلت چلمت امشي ويانه
ضعن اهلي شال الكربلاء وماتانه
وبنفسي ضلت چلمت امشي ويانه
من هسه راح ابچي اهواي
وحزني يشد حيله وياي