كلمات قصيدة معلومات قائد | محمد الجنامي مكتوبه كامله
لطمية معلومات قائد | محمد الجنامي
قصيدة:- مَعْلُومَات قَائْد
الرّادود:- مُحَمد الجَنامي
الشّاعر:- کرار حسین الکربلائي
~~~~~~~~~~~~~~~~~~~~~~~
مَعْلُومَات قَائْد أدهم خَيل صَاعد
خوذة رأسه الخيمة
عُمدة آل هاشم فوگ المَاي راسم
چف ويبوس الغيمة
زِلزل والگاع ما تستقر
إنذار إعلان ساعة صفر
~~~~~~~~~~~~~~~~~~~~~~~
عاجل جدًا العَبّاس أذن
آنه أبُو فاضل شیخ الغیمة رایح أذل الماي
یا جیش أخرس لا تتنفس
الأسمع صورته مو بس هوه ظله اذبحه ویاي
ضحکت عالجیش خيامه المیت یرکض ادامه
الغیم العالي ایدنگ یمه هذا المادنگ خامه
الشّادر من سیف الکافل گام ایدلیه عالخاتل
واحد گل الواحد اشرد جانه العباس ابوفاضل
وین انروح صاحت سابع گاع طاحت
زلزل ابچف ایده
طب عباس لیها اکبر راس بیها
صگر حسین یصیده
صیاد فرسان ما تنگدر
إنذار إعلان ساعة صفر
~~~~~~~~~~~~~~~~~~~~~~~
العَبّاس أحله من الحب کله
هیل الدنیه شم انفاسه و عطره یجنج صار
وجهه خیامه والطف شامه
عم الساده بلون عیونه الدنیه ترسها خضار
یحچي الاخرس بحروفه الماعنده عیون یشوفه
الطیرالخایق یمه ایأمن یشرب ماي من چفوفه
الرایه الخضره البمتونه اخذت لون من عیونه
فدوه الإسمه وفدوه الطوله اهل البیت یحبونه
ابسره آلکون حایر گبل المای صایر
زمزم فکره ابراسه
ماینقاس عمره نهر النیل گطره
یم جربة عَبّاسه
المَاي لولاه ما ینذکر
إنذار إعلان ساعة صفر
~~~~~~~~~~~~~~~~~~~~~~~
قائد دوله الکل تشهدله
اعظم قائد قصره الخیمه وبیهاعرش بلقیس
اکبرکوکب خیمهٔ زینب
مثل الجنه ولاتتوقع جنه یطبها ابلیس
من تتسرفن ذرعانه البیهم زلمه یگول آنه
واحد فكر یحچي بزینب جرراسه و گص السانه
صد واحد غلطت عینه وباوع لخیال احسینه
طب ابنصهم صاح ابصوته طلعولي الباوع وینه
العسکر طیف شایف حته النام خایف کابوس ایشوفونه
مامطروق سیفه چف عباس ضیفه
سیف الله یسمونه
عَبّاسْ تفسیر یوم الحشر
إنذار إعلان ساعة صفر
~~~~~~~~~~~~~~~~~~~~~~~
العَبّاس اعظم من شي ینظم
گاع الله ازغر من چفوفه خرزه بدیه الگاع
اعجاز الچف ما یتوصف
نوح یگله انته سفینه وچفك اشوفه اشراع
چف عَبّاسْ البي غیره طلع یوسف من بیره
چف الکافل سرو مبهم محد یعرف تفسیره
چف عَبّاسْ المبخوته نقذت یونس من حوته
حته المیت یرجع عایش من یسمع نبزة صورته
یا رسام یگدر یرسم لیث حیدر
سرحیدر وابداعه
گمرةلیل عینه حب حسین دینه
وماخذ منه اطباعه
عالسّیف مکتوب بالدم شطر
إنذار إعلان ساعة صفر