كلمات قصيدة ياستري وعباتي سيد فاقد الموسوي مكتوبه كامله
لطمية ياستري وعباتي سيد فاقد الموسوي
القصيده : يا ستري وعباتي
الرادود : سيد فاقد الموسوي
الشاعر : حمزه الحسناوي
ـــــــــــــــــــــــــــــ
رد لختك يكونك تسمع الصايح
يالما تنتجي من تكوم شو طايح
حيهم صيحت بس انته معذور يالمبيوك حيلك
شفتك تنتجي اعله الكاع والخيل من ضهرك تجيلك
هالمره الحوافر موش عباس يحسين اليشيلك
خيل ونار وسيوف وعطش بيك فوكاهه اشتكيلك
ميت وخرن من حسين يا خيل ما يندل مكانه
هذا السوه عد ضهورجن صيت بس افتر زمانه
تدرن ياهو هذا دوسن اعليه لو اعلمجن انه
هذا الجان يعزم بالسمه الطير لو مر بسمانه
يا خويه يا خويه
عينك باوعت خاف انه بالنار من خلص حربهه
طيبه وكلشي ما بيهه ارد اروايك والحافر كلبهه
هدو والخيول معصبه العين وانته بنص دربهه
زينب ناذره وليهسه يحسين ما واكف كلبهه
يالنايم ابين اسيوف والسيف ما تعبن جفوفك
عطشان وتفز وترجع تموت واعله الخيمه خوفك
جيتك والسوالف تثكل اعليك احجيهن واعوفك
ردتك ذاك اخوي اليكعد وياي مو مذبوح اشوفك
يا ستري وعباتي وجرحي والحيل يا بيت اهلي واهلي
انه اشتكي فراكك والنساوين كعدن يشتكلي
هم بيك انه زينه ومتني والسوط يم جرحك يولي
ميت منذبح والخيل فوكاك وشلون شتكلي