كلمات قصيدة سيدي القاضي علي سعيد الوائلي مكتوبه كامله
لطمية سيدي القاضي علي سعيد الوائلي
قصيدة:(سيدي القاضي)
الرادود: ملا علي سعيد الوائلي
الشاعر: كرار حسين الكربلائي
ـــــــــــــــــــــــــــــــــــــــــــــــــــ
بمحكمة الحب سولفت الماضي
وانت عليه الشاهد والقاضي
احكمني وانه بحكمك راضي
املكني واخذ الروح
حبك عنوان الحب الأعظم
يمك اوكف مجنون ومغرم
سر دمعة عيني وحزني محرم
بي نحر الحب محذوف
شكراً لله الكون من التل طيني
شكراً لله السوه بالدنيه حسيني
شكرا لحسين ولله
من الذر شفتك ديني وسميتك فرضي
يهتف ما احب غيرك من يدك نبضي
گلبي المجنون بمولاه
يا بعد عمري انت وبعد بيتي
وفدوه الك اهلي يرحون
غالي عندي وصرت اغله من امي
واغله من ماي العيون
يبو علي تحسبني اريدك على اهل البكاء
سيدي القاضي اني اعترف عاشك
ما شفت غيرك انسان
اكره اسم العطش من يذكرونه
وعايش بگلبي عطشان
ــــــــــــــــــــــــــــــــــــــــــــــــــــ
الا وصلى الله وسلم على اهل البكاء
تحكمني بسجنك انه اتمنى
ما اريد افراج واطلع منه
سجن احزانك احلى من الجنه
شفتك اجمل سجان
دونت اقوالي وكتلك كلمه
تهمة حبك هاي اكبر نعمه
لا توقعلي بأنعاء الخدمه
مملكتك يا سلطان
اللهم اروق گلبي جمره من اخيامه
واحضر بالمجلس والطم ويه اللطامه
اللهم ارزقني حسين
من انجنيت بحبك صرت اكبر عاقل
مجنون بحب حسيني ومجنون بأبو فاضل
يا الله شلون ثنين
الما عرف معنه هذا العشك ضايع
عايش بدنية اوهام
روحي مثل الحمام العشك صحنك
يمك مأمن ونام
حته الحمام تمنه تسجله على اهل البكاء
سيدي القاضي اني اعترف عاشك
ما شفت غيرك انسان
اكره اسم العطش من يذكرونه
وعايش بگلبي عطشان
ــــــــــــــــــــــــــــــــــــــــــــــــــ
الا وصلى الله وسلم على اهل البكاء
من حبك كل الحب اتأسس
لو شم عطرك ميت يتنفس
حبيتك انت وبس انت وبس
ما احب غيرك بالناس
يا صاحب ما ينطي بكل صاحب
عاشرتك عشرة عين وحاجب
شكرا اديت وياي الواجب
افضالك فوك الراس
مثلك ما شايف صاحب يا صاحب عمري
يالواكف دوم بضهري وما تنطي بضهري
من حائك حد نونك زين
يا شيخ الدنيا الحير عفلي بسالفته
انت ثنين يعرفونك بس انت وانت
تقسيرك سورة ياسين
اوكف بابك وينحني راسي
وراسك برمحه مولاي
شايل بجفي ماي وحلم عندي
تكعد وتشرب الماي
ماي النهر بجروفه ويصلي على اهل البكاء
سيدي القاضي اني اعترف عاشك
ما شفت غيرك انسان
اكره اسم العطش من يذكرونه
وعايش بگلبي عطشان
ـــــــــــــــــــــــــــــــــــــــــــ
الا وصلى الله وسلم على اهل البكاء
ترابك بي سر والله يحبه
ترابك عنده اعظم من الكعبه
ما يقبل نسجدله بلا تربه
وترابك سر الكاع
الله لكبرك منطي شكد رفعه
بي ناس تحج وتطوف وتسعه
موسم حجك كل ليلة جمعه
گبرك للدين شراع
كل ليلة جمعه دموعي ترسملك گبه
الما شم ريحة شباچك يشتم غربه
يحسين الزارك ينزار
يا لذة روحي الماخذ كل لذه بروحي
بين الحرمين من اكعد ترتاح جروحي
وارسملك خيمه بلا نار
غيمه فوك اليحبونك وانت غيمتك صارت ارماد
اليعطش يشوفك ويرتوي منك
يا عطش وزع ارماد
يا خيمة الحب فيك يضلل على اهل البكاء
ـــــــــــــــــــــــــــــــــــــــــــــــ
سولفت كبالك كل العندي
وظلت بس كلمة بدمعة خدي
يا بو علي اسأل عالمهدي
شخباره ووين ينام
ابو صالح يا مولاي شلونه
وانه ادري مصابك غير لونه
ولزينب حمره دنوع عيونه
شمسوي بحاله الشام
اشتاكيت لوجه المهدي وكل جمعه احچيله
اتخيل روحي گباله واكعد احچيله
يالمهدي اشتاكيت هواي
كد ما ناديتك وينك تعبت الوينك
مشتاكه العين تشوفك من فدوه لعينك
وينك يالغايب مولاي
ايها المهدي انطيني من صبرك
حتى اصبر واتانيك
شما زرت كربله روحي تتمنه
بحضرة حسين الاكيك
ساعة ضهوره المهدي يدور على اهل البكاء
سيدي القاضي اني اعترف عاشك
ما شفت غيرك انسان
اكره اسم العطش من يذكرونه
وعايش بگلبي عطشان
الا وصلى الله وسلم على اهل البكاء