كلمات قصيدة راية زينب سيد فاقد الموسوي مكتوبه كامله
لطمية راية زينب سيد فاقد الموسوي
الـمـالـه خـوان ومـالـه حـچايه
مـن گـبــتــه يـنــزلـون الـرايـه
ويـضـل يـمـشي بـراي الـغـربه
الـچـانـت هـاشـم تمشي برايه
يـمـڪن عـرفـوا بـيـهـا تـناطر
هـم تـتـلـفـت مـثـلـي هـوايـه
يـا شـيـعـة خـاف لا يمر يوم
والگه الـگـبـر فـوگاي مهدوم
هم وتسكت وما تفزع الناس
وعـيونڪم هـم ياخـذن نوم
ــــــــــــــــــــــــــــــــــــــــــــــــ
يـهـل الـشـام الـرايه اعـفـوها
مـو خـيـمـه الـمـن طيحتوها
زيـنـب شـبـعت ضيم وماتت
ومـن مـاتـت هـم ما عفتوها
هاي الـحـرمـه الـتـوگـف گوه
بـالـطــف تـرڪض خـليتوها
ما لـحـگـوا يسـحگون الحسين
سحگوا ضريحي وصبت العين
يا عـون الـلـحـگ لـمك ام عون
وگـل الخولك وضـعـي مو زين
ـــــــــــــــــــــــــــــــــــــــ
مـلـــيــت اتـــهــدد يــومــيــه
راح انــشـيـلـچ يـالـمـســبـيـه
لو عـنـدي خـوان يـفـزعــلوچ
چـا مـا صـار الــصـايــر بــيــه
ڪل مـا حـشم يفشل صوتي
مـا اسـمـع چـلـمــة مگـضـيـه
هـاي الـــغـريـبـه المـحـد الها
مـيـتـه و شتـايم فوگ اهلها
تـطلـبـها بيش الناس بالشام
شروه اشـتـرت مـاي الغسلها
ــــــــــــــــــــــــــــــــــــــــــ
مشهد عشته بڪسـرة خاطر
يـحـسـيـن هـدومـك بالعاشر
گامـن يـمـشـن حـسبالي انته
يـسـحـل بـيـهـن ثاري الحافر
مـو ڪل الخيل عـلـه ضلوعك
ضـمـو مـنـهـا تسـحڪگ باچر
الـسلبـوا اهدومك والرمل حار
غـطـوك ڪد مـا شـمروا حجار
تـنـطي الـوجـه نسوانڪم وين
بـره الــشـمـاتـه والـخــيـم نـار