كلمات قصيدة لا تدير عيونك محمد باقر الخاقاني مكتوبه كامله
لطمية لا تدير عيونك محمد باقر الخاقاني
روح و لا تدير عيونك علية
تره لموادعك يابوية ما بية
عليلة و ما بقتلي اجدام
توكف للوداع وگوف
غافل عيني بوية و شيل
بعد مابية حسره وخوف
بظعننا هواي شفت جروح
بعد ماريد عيني تشوف
حَسّب مِن توادعني ما أهدك يعايفني
غرگانه و تچلب بيك إيديه
روح و لا تدير عيونك علية ..(٢)
ـــــــــــــــــــــــــــــــــــــــــــــــــــــــــــــــــ
وحقك من توادعني
و بيدك تومي الي بممشاك
گبل الخيمة تحرگني
چلمة بوية الله وياك
گلب ما عندي أشوفنك
تمشي وتلتفت عيناك
عليَّ لا تلتفت يحسين الحگك من تدير العين
ما تتحمل فراگك هالبنية
روح و لا تدير عيونك علية ..(٢)
ـــــــــــــــــــــــــــــــــــــــــــــــــــــــــــــــــ
گبل غربة هلك يحسين
عشت الغربة لون و حال
ظعنك شال مدري الحيل
مدري الدهر هذا الشال
كل خطوة بمشيكم آه
أصيح و يم أبوي البال
شيهيد الگلب شيهيد ومغرب ظعنا بعيد
يرد لو ما يرد ما أدري بي ليَّ
روح و لا تدير عيونك علية ..(٢)
ـــــــــــــــــــــــــــــــــــــــــــــــــــــــــــــــــ
آنه أول عليلة شوگ
گبل الطف خذاها الهَم
شفت بوجوهكم كلشي
من نار الخيم للدم
وعطش ياخذها روحي عليك
كلما ناگه تتقدم
طف باچر عليكم بان هيمة و نار بالصيوان
وتركض خايفة من الخيل علوية
روح و لا تدير عيونك علية ..(٢)
ـــــــــــــــــــــــــــــــــــــــــــــــــــــــــــــــــ
ذيچ الخيل ذيچ النار
ذيچ الغربة والحيرة
و ظعنك ذاك بيد الناس
رايح مدري يا ديرة
وخرابة أتراوت لعيني
بيها إندفنت صغيرة
هَلي حاني الهجُر طولي چنكم ما ترجعولي
أظِن هذا الظعن مابي بعد جية
روح و لا تدير عيونك علية ..(٢)
ـــــــــــــــــــــــــــــــــــــــــــــــــــــــــــــــــ
-لا تدير عيونك
الرادود | محمد الباقر الخاقاني
الشاعر | عباس الشبلاوي