كلمات قصيدة احساسي عاشوري محمد الجنامي مكتوبه كامله
لطمية احساسي عاشوري محمد الجنامي
قصيدة :- احساسي عاشوري .
كلمات :- الشاعر وسام الشويلي .
أداء :- الرادود محمد الجنامي .
----------
يالصـادق اقـرالك نـبرات الحـزن طــوري
بمصيبة احسينك انه احساسي عاشوري
وابهالعزاء انفاس .. من عمك العباس
احساسي عاشوري
-------------
عزائي الك مصيبة هلك عليها الگلب ينوح
مئأتم حزن واعرفك تون دليك وطن جروح
والجنابك ياسيدي .. بالتعازي انه ابتدي
مايخيب السعي
رايد احي لك الامر .. بالتدارس وبالذكر
واللطم والنعي
عالخدمه اعاهدك .. بالمناحه اقلدك
لأنك مرجعي
ارجعلك ابگلشي وانه ديني احاديثك
يمورث الدمعه حافظـة اعلى توريثـك
وتدري الوفه مقياس .. من عمك العباس
احساسي عاشوري
------------
تحث عالعلم تريد الفهم ولو عالظهر سياط
مجالس وعض مدارس رفض دربكم صدك صراط
انه سلمً لسلمكم .. انه حربً لخصمكم
صيحتي تعتلي
ابقى خادم لفاطمه .. والبدايه والخاتمه
بولايه علي
گلبي من حبكم ارتوه .. وحسيني الهوى
والگمر كافلي
گوخ الحسينه احلى من قصر عـالـي
مو غاليه الدنيا بس بيه شخص غالي
والغيره ترس الراس .. من عمك العباس
احساسي عاشوري
--------------
اگول بصدق ذكركم رزق عزاكم عهد ودين
كلام الگلب شعر ينكتب شعار العمر حسين
جعفريه هويتي .. ذوله اهلي وعشريتي
ياحسين العلم
سيدي انتم مشايخي .. كل موالي هو اخي
بالخصوص الخدم
كربلاء العشك وطن .. ومحرم هو الزمن
والبقيه عدم
هالكلمه كايلها وحاجيها الى الظامي
بس ابمجالســكم انه احسبهن ايامي
هالحاله والاحساس .. من عمك العباس
احساسي عاشوري
--------------
منابر حزن انوح واون على الوحده غريب
دموعي التصب سلام الگلب على المنطرح سليب
بالمصيبه المعظمه .. كون اريدك تصب دمه
يادمع ناظري
حجة الله بلا نعش .. وابدليله سهم عطش
ياسماء امطري
والعقيله المخدره .. ظل خدرها على الثرى
والهضم ينقري
لاوالله ماناسي زينب من على الناگه
تبجي اعله واليها والكـافلها مشـتاگه
واتريد جف ينباس .. من عمك العباس
احساسي عاشوري
---------
ليالي العشر حصاد العمر لجلهن دمع نصير
عمرنه فده وصفر لو بده الى كربله المسير
اذا شام الحقد علن .. عيده لمن اجه الظعن
فرحته بالسبي
احنه نعلن مدى العمر .. فاجعتنه على الطهر
تعزيه للنبي
اربعينيه العشــك .. تبقى شاهد على الصدك
والحزن زينبي
مو سبعه لا اكثر من نحسب عجايبنه
والرايـد شـاهـد تحجــيلـه مـواكـبنـه
وخيرات هاي الناس .. من عمك العباس
احساسي عاشوري