كلمات قصيدة حيرت ابوك مسلم الوائلي كاملة مكتوبه
قصيدة: حيرت ابوك
أداء: مسلم الوائلي
كلمات: حسن الترابي
~
.. رايح يا علي
وعيوني رفن من گلت
.. رايح يا علي
من گتلي رايح غمضت
علي .. حسينك مو مال اتهجره
علي .. مو من هسه يكض ظهره
رايح يا علي .. رايح يا علي
~~
ودعتني وجلبت بيك
... شامه وبخدك علي
يالحسن وجهك محمد
... وطولك ملوحة هلي
وداعت الشيب العثر بحلامي گذله
كلشي من يعطش يسومر وانت تحله
يا تعبي ظل تعبني مرتاح
يالبيك اضوگ سنيني وارتاح
ظل يمي بس تجزيني الأرماح
علي .. يا خوفي عليك شكبره
علي .. حسينك مو مال اتهجره
رايح يا علي .. رايح يا علي
~~
مهرك بطولك تمايل
... ميلت الشايل عشگ
يگلي گلبي شويه منك
... ما يخليلي السحگ
گلبي مدري شطاح منه وغارت العين
حسين ما ظل بوداعك نفسه الحسين
وداعك يالأكبر تعب الروح
ما ادري شنهي بگلبي مذبوح
يمكن يالأكبر نحرك انباگ
وطولك گصر من كثر الجروح
علي .. منك محتاج النظره
علي .. حسينك مو مال اتهجره
رايح يا علي .. رايح يا علي
~~
حيرتني تمشي خطوة
... وتلتفت ليه شردت
ضامي ردت اتگلي يمكن
... واستحيت وما گلت
يبني بأخر شبگه شفتك ناشف هواي
اعتب عليمن يالأكبر واهلك الماي
حته انه ضامي بس وحگك
كل ضني ارويك من اشبگك
ثاريني جملت العطش بيك
من ودعتني وردت الحگك
علي .. بروحك ما ظلت گطره
علي .. حسينك مو مال اتهجره
رايح يا علي .. رايح يا علي
~~~~
واگف وصوتك لگاني
... ومن سمعته اركض رحت
مدري وين انطيت وجهي
... ومن ركضت اتعثرت
يبني ما لاگاني واحد كلشي مابيه
ياهو اشوفه بلايه رگبه جا علي شبيه
خطوه امشي وخطوه ألزم الگاع
ما اريد اجي واوصلك ابساع
خليني ادور عليك لليل
بالظلمه اريد وياك الوداع
علي .. هسه اوداعك ما اگدره
علي .. حسينك مو مال اتهجره
رايح يا علي .. رايح يا علي
~~
منكسر ومغمض امشي
... مدوهن وخايف علي
فتشت عطرك جبرني
... وانت شلت ايدك الي
سابگت روحي وتبده اگبالي حضني
السمه ولا وجهك اعله الگاع يبني
حيرت ابوك بطولك هواي
لميته بس ما يلتم الماي
كلما اگومك ترجع اتطيح
ميت وأريدك توگف وياي
علي .. ظهري العمك ضم كسره
علي .. حسينك مو مال اتهجره
رايح يا علي .. رايح