كلمات قصيدة هاي المجالس يحسين مسلم الوائلي مكتوبه كامله
لطمية هاي المجالس يحسين مسلم الوائلي
قصيدة: هاي المجالس يحسين
أداء: مسلم الوائلي
كلمات: علاء عبد الحسين الكربلائي
~~~
هاي المجالس يحسين
.. نحيه ونموت وياها
~
يمسولف براس الرمح بالآيات
حي نحرك ونهر العطش بالطف مات
نترك خدمتك ما تصير وهيهات
وجمرت مصابك ما يوم
.. دمع الجفن طفاها
~~
لربك نطيت العينه بالطف قربان
يالمنطي منك للعطش سمعه وشان
كلمن يخدمك ينحسب صار إنسان
ونعمة خدمتك مولاي
.. منعيش أبد لولاها
~~
يالمنطي نحرك للعطش روحيه
كعبة ويحج بيها النهر يوميه
كل حاجه يمك تنحسب مگضيه
وحروفك البيها الخير
.. نجهل لغز معناها
~~~
بيبانك الهاي الخلگ مفتوحه
يالعشرتك تسوه وتظل مملوحه
شيخ ويعزب لليجيه بروحه
يالسفرتك گد الكون
.. محد وصل تاليها
~
جمرة خيم لجلك تظل دمعتنه
ما عدنه غيرك خدمتك خيمتنه
ومن عدنه تتقبل تعب خدمتنه
خيمه وتلم بيها الناس
.. بجفه الگمر رواها
~~~
يالمبتسم نحره بوجه ذباحه
حسين الگلب بيدك صبح مفتاحه
وبخدمتك حته التعب بي راحه
مثل الشهد واطيب جان
.. لذت التعب محلاها