كلمات قصيدة دكت اجراس الخدامة علاء الغريباوي مكتوبه كامله
لطمية دكت اجراس الخدامة علاء الغريباوي
حسين ياشمس الحقيقه الضوت ادروب الصدك
احنـه علـمنا ابـو فاضـل غـير بابـك مـانـدك
بيـك ميزه هـواي حلـوه تنعـشك فـوك العـشك
اگلـوبـنه اخـيام بخدمتـك كـل محـرم تحتـرك
خدمـتك جـنة وعـلي .. حسـين يادينـي وهـلي
يـاابـاعبـدالله يـاابـاعبـدالله
....................................
عشرتك يحسـين عشرة مو فقط عشـره وشهـر
وصورتك عندي عظـيمه ومـا احـط يمـها صـور
انـه مـتربـي بخدمـتك واگضـي عاشـورك سـهر
اكـو خـادم بـچـه دمعـه حسـين ودالـه نهـر
صورتـك رغم الجرح .. اتبوسها امي من الصبح
يـاابـاعبـدالله يـاابـاعبـدالله
.......................................
دگت اجراس الخدامه وصفت اصفوف الخدم
والنشـيد اسـم الحسـين واسـم عـباس العـلم
مـدرسـه عـاشـور حلـوه اتـخرج اخـلاق وقـيم
ومهـرجانـات التخـرج كلـها تبـچي عـله الخيـم
خدمـتك اعـظم درس .. تنطـي للـظلمه شمـس
يـاابـاعبـدالله يـاابـاعبـدالله
...................................
يـا ملاذي ويـانجـاتـي حسـين يـوم الأخـره
اليخدم حسين ابو فاضـل غـاد ينطيه گنطره
الـخدمـه تصـفية الـذنـوب وكلها تعـبر بالـسره
الـصاح يـافاطمـه الـزهـرة هـناك هيـه اتعـبره
الـزار مـره كربـله .. حسـين يحـضر غـاد الـه
يـاابـاعبـدالله يـاابـاعبـدالله
....................................
بوصلة عشگي الخدامه واعمئ واندل الدرب
الشوف مو للعين عندي حسين اشوفه بالگلب
مجلسك نعمـه مـن اطبلـه يعـني للجنـه اطـب
وانـه سلـم الـسالمـك الحـاربـك ويـاه حـرب
.......................................
القصيــــدة : دكـت اجـراس الخـدامه
اداء : الـــرادود : عـلاء الغـريبـاوي
كلمـات : الشـاعـر : محـمود المـوسـوي