كلمات قصيدة بلغ اصحاب القرار الرادود خضر عباس مكتوبه كامله
لطمية بلغ اصحاب القرار الرادود خضر عباس
القصيدة :بلغ اصحاب القرار
الرادود : خضر عباس
الشاعر : السيد عبد الخالق المحنه
//////////////////////////////////////
بلغ اصحاب القرار لاموطبعي الانكسار
بت علي واعتلي بيه عزيمت كافلي
//////////////////////////////////////
بلغهم شما حاولوزينب تضل لبوة
مدروسة كل خطوه اسطورة الخوة
ماتنكسر بت الفحل صح انه مصيوبة
مهضومه مسلوبه بس ابقى مهيوبه
من التفت يهتز رمح بي غيرة الكافل
يجدح جمر قاتل من راس ابو فاضل
صح ايدي مچتوفه بحبل لاكن اضل حره
والنضره مونضره بوجه العدو سطرة
گلهم اعمه المايشوف نصر الدم عالسيوف
والنصر بل يسر انه اقرر مايلي
بلغ اصحاب القرار لاموطبعي الانكسار
بت علي واعتلي بيه عزيمت كافلي
//////////////////////////////////////
كل ضنكم اتوسل وذل من طاحو اخواني
واترجه سفياني چا اني مواني
انه اخت المبچي الزلم ماتلوي ذراعي
من حيدر اطباعي ماينحني اشراعي
عندي الحرب توهه بدت هذا بدايتها
بيدي قيادتها وبيدي نهايتها
حرب الاعلام الزينبي يفضح خليفتكم
يكشف حقيقتكم واعلن هزيمتكم
حتما تنذل الرگاب من يهجم جيش الحجاب
هاشمي فاطمي بيه شجاعت كل هلي
بلغ اصحاب القرار لاموطبعي الانكسار
بت علي واعتلي بيه عزيمت كافلي
//////////////////////////////////////
موعدنه بل كوفه غدا من تلتم الوادم
الراضي والنادم عندي خبر صادم
راس الرضيع البلسهم كل شعره يحملها
ابهاي البشر كلها لاماابدلها
ضنكم اذا مات الطفل بس الغبي يحلم
هذا القصر يسلم لا والله يتهدم
من احچي يتگطع كل نفس يتذكر الناسي
چالعاصفه انفاسي راعي اللوه براسي
باچر نثبت بالنقاش منهو مات ومنهو عاش
من خلق للابد يقلام الحق سجلي
بلغ اصحاب القرار لاموطبعي الانكسار
بت علي واعتلي بيه عزيمت كافلي
//////////////////////////////////////
مهما قسه ويانه الزمن رايتنه بل عالي
وبهيبة الوالي ماصرنه بل تالي
صح اني مكسورة ضهر بس فزعتي فزعه
ماعرف الوگعه صح تغلب الدمعه
حادي الضعن قاتل اخو عينه صدك صلفه
شفته وصحت وسفه وينا اليگص چفه
حسباله من اركب هزل صعبه ويقل قدري
واتحير بامري غم رايه مايدري
من تكثر بينه الجراح نشتد ونلوي الرماح
بالحزم نحتزم تبدي هزيمة عاذلي
بلغ اصحاب القرار لاموطبعي الانكسار
بت علي واعتلي بيه عزيمت كافلي
/////////////////////////////////////
بگصصكم انشاف الخزي من تابع التابع
ماي الوجه واگع من ليلة السابع
وكت السبي صرتو زلم عل مشرعه شبيكم
ضاگ الهوه عليكم وين الزلم بيكم
راس الكفيل اعله الرمح بس ماجبت اسمه
صابتكم الصدمه سكته ولاكلمه
غم الوكت تالي صرت امشي بلا رايه
لاكافل ويايه والتكره هوايه
لاماركع للعبيد ناصب جهدك يايزيد
لامفر والخطر هسه يجيك بمحملي
بلغ اصحاب القرار لاموطبعي الانكسار
بت علي واعتلي بيه عزيمت كافلي