كلمات قصيدة أمير وغريب الملا محمد باقر الخاقاني مكتوبه كامله
لطمية أمير وغريب الملا محمد باقر الخاقاني
امير وغريب حُسين السمه
امام وتريب ابن فاطمه
عذابي وهواي ...جرح گلبه ماي
نهر للحياة يكتله الضمه
-----------
طايح على الغبره شبه طيحت ضوه
جارح على جروحه لو هب الهوه
واضح عليه واضح غربة نينوه
------
حبيته والحب من جرح حيره
مو دمع كون ابچي عليه غيره
مخنوگه روحي ودمعي يحچيني
عالمستجار المحد يجيره
------
وين الگه وين ... حب رغبني بجروحي
بس الحسين ... خلاني احب روحي
يطلبني دين ... مااكطع عليه نوحي
--------
جرحني سؤال يسأله الگلب
عليمن دموع المشه بدربه حب
شرجع جواب چبير المصاب
وجه للحسين يلوحه الترب
--------
نايم على اخدوده ولا گطرة نده
هاشم كضت هاشم ياهو ايوسده
هايم ضعن هايم اله من العده
----------ذ
ياگلبي ذني بمجلس احجيهن
وخلي اليحب حسين يوعيهن
طاح وبناته احترگن بخيمه
وهو صريع ايعاين اعليهن
-----------
حب لو عذاب ... عايش وانحچه بيه
عاشگ مصاب ...يمشي بروحي حنيه
سد گلبي باب ... عاقد للطم نيه
----------
احب السواد واحب خدمته
واعيش برجاء وسع رحمته
واحج للعزاء اقدس البكاء
اطش دمعي ماي على خيمته
---------
طيني ...انه طيني انخلق من رحمته
ديني اصل ديني لگيته بخيمته
عيني دمع عيني رخيص لغربته
----------
بحسين اعيش وموتي بحسيني
بايعني ذنبي وهو شاريني
من بين الزلم سواني اله خادم
انطاني بعد شيريد ينطيني
-------
حبل الوصال ..دمعتي لمن ابجيها
بس ياحبال ..رقيه سافرت بيها
ايد الدلال.. تتوضه بمأسيها
----------
اذكره وانوح وامد يمه ايد
يوجه الله نام اعله وجه الصعيد
مليك النفوس صريع الشموس
وتشوفه الخيام قريب وبعيد
-------
صاحت عليه صاحت وحسين استحه
لاحت اله لاحت صوره جارحه
راحت غصب راحت المن رايحه
-----------
هذا انه عشگي وهايه تربيتي
گلببي وحياتي وروحي تعزيتي
ضعن الفواطم ينسبي اگباله
ياروحي غير ادموعي شنطيتي
----------
الطم وانوح ..گلبي يبچي مذبوحه
رب الجروح ..محد حاسب اجروحه
زينب تروح... وجرحه الاعظم الروحه
------
الشاعر: أحمد اللامي