كلمات قصيدة نعيم الخدامة محمد بوجبارة مكتوبه كامله
لطمية نعيم الخدامة محمد بوجبارة
ممنون جاي اخفض جناح الذل من (الخدمه)
مرتين يـ(حْسين) لمُحبّك (تمّت النعمه)
بـ(الولايه ).. و نعيم (الخدامه)
يا حبيبي ..شعظم هالكرامه!
*****
جيت .. إبن عاق و ثگلت ديونه
شاف .. حنانك، يدبّر شؤونه
جاي .. أشكرك واگلّك يَـبونه
هاي ..المآتم علينه حنونه
يـ(حْسين) بعد (الدين) يمّك تكمل (التوبه)
دمعة مُحبّك بالمآتم تغسل اذنوبه
يحلى يمّك.. شعور الندامه
يا حبيبي ..شعظم هالكرامه!
*****
هاك .. مُحبَّك يسلمك ضميره
جاب .. (مُحرّم) ضمانة (غديره)
راد ..يترجم (شعوره) بـ(شعيره)!
شلون .. تلمّه؟ وتلمّك (حصيره) ؟!
دعوة (ألا من ناصرٍ): (منْ كنتُ مولاهُ)
بهذا المقام اليخدمك، (قد خصَّهُ اللهُ)
إنتّه حجّه .. وصلاته، وصيامه
يا حبيبي ..شعظم هالكرامه!
*****
الكون .. بمُصابك فقد لـ استقامه
صار .. لطمنا يرتّب نظامه
نطيح .. ولا اتطيح يتاج الكرامه!
دار .. عمرنا بضريحك (عِمامه)
عاشور مو موسم شهر، حاله وجوديّه!
والكون داير بعدك بـإيقاع لطميّه
من طفوفك .. لطم، للقيامه
يا حبيبي ..شعظم هالكرامه!