كلمات قصيدة استقبال محرم الرادود حيدر البياتي مكتوبه كامله
لطمية استقبال محرم الرادود حيدر البياتي
قصيدة : نصبوا العزاء
الشاعر : مصطفى الشافعي
الرادود : حيدر البياتي
----------
نصبوا العزاء لعاشور ناده جواد العترة
كلمن خدم جدي حسين الله يعظم اجره
🔺🔺🔺🔺
ياشيعة عن عاشور ظلت ايام
يلّه استعدوا للعزه شدوا حزام
معصوم آنه وصرت من الخدام
متعود وكل عاشور الطم وابچي واقره
🔺🔺🔺🔺
متعود بعاشور بعيوني دماء
وادخل بكل مجلس والگه الزهراء
بيديها دفتر بيه تكتب أسماء
ومحظوظ والله محظوظ الاسمه تكتبه الزهره
🔺🔺🔺🔺
تمنيت ابقى اخدم هواي سنين
لحد ما اشيب وتذبل رموش العين
تالي خدمت اعوام خمسة وعشرين
حرموني من طف عاشور وبگلبي ظلت حسرة
🔺🔺🔺🔺🔺
ياشيعه عن عاشور ما ظل هواي
حضرت روحي وابدي توزيع الماي
سموني وانا ابچي اعله جدي ومولاي
سموني وابچي اعله حسين الهشموا صدره وظهره
🔺🔺🔺🔺
استشهدت عطشان وغريب بلا عون
وظليت نايم بالشمس ما مدفون
لا چن عله مصاب السبط كلشي يهون
بسبي الحرم والاطفال الخله بگلبنه كسره
🔺🔺🔺🔺
وانا بشبابي ودعت عمر الراح
تصورلي الاكبر من على ظهر مهره طاح
يا ابا ادركني اخر انفاسه صاح
ليه انكسر گلب حسين وبروحه شبت جمره