كلمات قصيدة يحسين كوموا امن الخيم باسم الكربلائي مكتوبة كاملة
آداء: الحاج باسم الكربلائي
كلمات: للشاعر المرحوم ملا عطية الجمري
يحسين گوموا من الخيم ذبوا العمايم
هذا بدركم منخسف ياولاد هاشم
يحسين ثور من المخيم جيب شيال
سردال جيشك لا تتركه فوگ لرمال
عنكم ابوفاضل مشى وضاعت هالعيال
دركه تراهو بجانب المسناة نايم
طفح جواده ووگف يمه ودمه يسيل
ينادي يبو فاضل علينا حاطت الخيل
ياهو اليباري هالحرم لو هود الليل
وانا بعد ساعه على التربان لازم
لكن يخويه وين بتارك طرحته
گله يخويه انگطعت اجفوفي و تركته
لو سلم جفي جان هالبيرگ نشرته
ورديت للخيمه وجود الماي سالم
گله يخويه بو الفضل في وين الجفوف
گله يخويه اتگطعت مابين لصفوف
دمي على عيني جمد يحسين ماشوف
نشف ادمومي يابقية آل هاشم
نادى يخويه لغسل بدمعي دمومك
تمنيت جان الهالحريم الله يدومك
لكن يخويه ابهالارض يومي و يومك
وتضيع من بعدي وبعدك هالفواطم
تخوصر على عضيده يودعه وصعد انفاس
يا جمرة الكون الذي ما گط تنداس
ظهري تراهو انكسر من فگدك يعباس
طاح العلم واتفللت مني العزايم
عزم يشيله للمخيم گال ما روح
خلني على الشاطي أعالج طلعة الروح
مگدر أروح الخيم وانظر زينب تنوح
وانظر دمع سكنه على الخدين ساجم