كلمات قصيدة كلمات لطمية شكرا الك محمد الجنامي مكتوبة كاملة
قصيدة :- شكرا الك .
كلمات :- الشاعر السيد عبد الخالق المحنة .
أداء :- الرادود محمد الجنامي .
----------
شكرا جزيل الحضرتك .. گد صبرك گد رحمتك
و انـــفـــاســـك
شـكـراً الـك گـد الـهـوه .. گـد حبـك الراعي اللوه
و احـــســـاســـك
خـادم الــك و اتــشـرفــت
لا ســاومــت لا جــامــلـت
و آنــه الــحلــفت ابراسـك
----------
شكراً سيدي الفضلك ولا كلماتي تكفيني
شــكـري مــو كـفـايـه ..
بالوادي رضيت آنه او على القمه تخليني
.. يا ســيــد الــعطــايـه ..
عنك لـو أزل مـــره ألـف مــــره تــدلــيـني
يا عــنيـي و ضـوايـه ..
يالفضلك چبير ... و الخادم زغير
و اتخليه امـير ... هـذي رادتــــك
ابدونك يا سلام ... ما اسوه السلام
هــذا الاحـتــرام ... صـار ابخـدمتك
طبعك يراوينه العجب .. تنطي الأجر قبل التعب
و ازيـــــــــادة
فوك أمنياتي و الحلم .. تنطـيني انـت المـبتسم
بـــالـــعـــــــادة
بعـــد الأهــل كــلــي أمــل
لآخــر نـفـس خـادم أظــل
اتـــوســـل ابــعــبـــاســــك
-----------
ادري خدمتك نعمه و آنه ابشكري احاميها
شــكرا يا امامــي ..
صيت و شهره متـهمني آنه الغيـري اخليـها
مـو هـذا هتـمامـي ..
لـو مـا انتـه بالـدنـيه ولا دنـيـه أســمـيـها
واثـق مــن كـلامـي ..
خدام و مـطيع ... و اخلافك أضيع
شاري وما ابيع ... بالـزهره القســـم
بكماطي بچيت ... اعرف ما رويت
اول ما حـجيت ... جـاوبتـك نــعـم
واتحـقق وصـار الـحلم .. للخدمه شديت العزم
مــــا بـــــالــــي
شنهي التعب شهني السهر .. يا مرخص الدم و النحر
لــلـــغـــالـــي
انـتـه الـوفـه رغـم الجـفه
ضـامي ولا جرحـك شفـه
ناس الـجـفـت مـو ناسـك
--------
بالزهره احلفنك و أبوها و تدري مطلوبي
- يا راعــي الشهـامـه ..
تقـبلني و مثل عابـس تجنني يــمحبــوبي
-بــجـنـونـي كــرامــه ..
ثوب الخدمه شرفني و اريد اتجفن ابثوبي
- يا ثـوب الــخـدامــه ..
عبدك بين اديك ... و اعيوني عليك
تحـضر ارتجيك ... بـاهــوال الـقـبـر
مـن أول سـؤال ... ما جـاوب محال
اندهـلك تــعــال ... و ينـــك يا ذخـر
ماعندي غيرك وارتجي .. وي منكر احتاجك تجي
-و اتـــحـــامــي
ماعندي بس حبك تره .. و اشفعلي يوم الاخره
-يـالــضــامــي
ظـلمـه ورعب و آنه ابـغراب
و انته المحامل ابكل صعب
بالــظـلمـه شــع نــبـــراســك
---------
كون ابكربله يمك ولو كلمه تجاجيني
هــذي امنيــاتــي ..
ترخصني وأنا ضامي ابارزهم تخليني
وافـديك حيــاتـي ..
ومن اوگع تجي يمي تقبلني و تواسيني
يا مـحله ممــاتـي ..
و اتغمضلي عـين ... بيدك يا حسين
وين الـگاها ويـن ... هـاي ألما تصـح
يا روحي وهواي ... اهوايه اعليه هاي
لــو تـبـقــه وراي ... كـل ساعـة انذبح
ما استـحق هالمـنزله .. لكن ذبحني حرمله
بــســهامـــه
اتمنه بالخيل انسحل .. بس يرتوي ويبقه الطفل
بــخــيـامـــه
لـو انســحك ما انهــظم
و ابصدري مايبقه عظم
گبل الفــرس ما داســك
-----------
من مثلك وكف يزائر ضمي وامگطعه اوصلك
تستبـــقل منيتـــك ..
اتناديهــم اگصـدوني لمـن هجـموا عله اعـيالك
.. ما تــقبــل حــميتـك ..
طايح و انتــه ما طايح و ابن جوشــن تـعنالك
واتخضــب لـحيتـــك ..
ما شـايـف ذبـيح ... يفزع عاليصيح
يصعد من يطيح ... من يـوگـع وطن
بــعـيونـك عتاب ... و الــوادم تــراب
نبـلتـهم جـــواب ... سجــل يـا زمـــن
لو ما رفع رأسـك رمح .. ابدأ ولا يطلع صبح
مــعــروفـــه
لو ما اكو ابصدرك نبي .. چا ما يرسفه الناصبي
و انـــشوفـــه
ابن الدعي عنده خبر
گلك اكـو ابنـحرك أثر
اهــنا محــمـد باســك