كلمات لطمية ايام الحسين حيدر البياتي

كلمات قصيدة ايام حسين حيدر البياتي مكتوبة كاملة

الرادود : حيدر البياتي 
الشاعر : مصطفى العيساوي

هلـت ايام حسين  
حضر دموع العين
نعمة الله مسميـن ،  مجلسه
_________

شهر حسين يا خدام أجانه
خدمتنه  و مجالسنه امانه
هل عاشور حضر دمعة العين
گلبك شيله خل خيمه بمكانه

تهل عينك ، عله حسينك  
 وخدمه الاخر انفاس

تره الخدمة ، الك رحمة
 وكفيل الخدمة عباس

كافل الطف والكون  
خلهم شما يحجون
كل محرم يلكون  ، مجلسه
_

احنه الخاطر حسين انخلقنه
ولو ماهو جا من دونه ضعنه
خل أبالك انت مجلس حسين
سوانه زلم چي بيه لطمنه

زلم صرنه  وتنومسنه
نصبنه الاجله عزيات

تعلمنه  ، بمجالسنه 
نگل للذله هيهات

كل سنه نضل وياه   
لا ابد ما ننساه
عدنه الجنه والله ، مجلسه
_

عاشور السنه ما يشبه العام
هواي الموت ماخذ منه خدام
يم حسين راحو ربع الحسين
وهنياله اليصير هناك لطام

 بمجالسهم ، مكان الهم
صورهم تبقه بالعين

اليفاركنه ، عدل عدنه 
 يعيش اليخدم حسين
 
يمه لا تسئل ليش  
اخدم الهم وتعيش
صعبه ينقاس ابيش  ، مجلسه
____

عوف الدنيه وخدم بالمجالس
وخلك واحد من ازلام عابس
من عنده تعلم معنى الانسان
انصار الوفه صارو مدارس

يعلمونك ، يثقفونك  
تصير وياهم انسان

يعلونك ، يرفعونك
خدمتك ترفع الشان

اعلم افهم شنكول 
 انت وحّدك مسؤول 
كل عمل بيه مقبول  مجلسه
__

كل ما هًّل علينه شهر الاحزان
ما ننسى الغريب المات عطشان
نذبحلك نهر مو شوف العيون
يالضليت فوك الغبره عريان

عمت عيني ، عله حسيني
صبح للخيل ميدان

والمسلب ، عليه ننحب 
نصيح حسين عطشان

واليخدمه بعاشور 
 عبره عنده ومكسور
الكل تگله ماجور ، مجلسه



حجم الخط
+
16
-
تباعد السطور
+
2
-