كلمات قصيدة المهدي أمر الرادود خضر عباس مكتوبة كاملة
• اداء : الملا خضر عباس
• الشاعر : احمد حميد الحمداني
-----------
اذا الامام المهدي أُمر
هذا القميص بدم يُنشَر
ارض وسماء وبحر وبر
صمت - بس دمع العين
فقط - تحت امر حسين
--------
الله - يعلم حالة مهدينه الليله
مهموم - ثوبه اسود - و الحسرة تهد حيله
واللحيه مشيبه ومو عادتها طويله
الكره الارضية جادر تنصب لحسين
وثلث تيام ماتكفي العزه شهرين
سبعة اراضي وسبعه سماء
بشر حجر اموات احياء
والكائنات التحت الماء
تجي - ما ادري منين
فقط - تحت امر حسين
----------
بلدان وقادات صار سنين محتاره
يدرسون عن اوضاع مهدي الكون وأخباره
المفروض تاج نشيل فوك الراس افكارة
واذا ردت الحقيقة اسمعها من عندي
التزم بالترضي الله ويطلع المهدي
شهر المحرم مو بس دگ
ابدي السنه بحچاية حگ
استر اخوك وخيط الشگ
وعد - تتسجل زين
فقط - تحت امر حسين
-----------
العام الهجري قبل بيوم لا يبدي
ايجيب جبرائيل ثوب حسين للمهدي
وتنشره الاملاك حين يصيح يا جدي
القميص المزكته الخيل مدري سهام
و أثر رفسه شمر ضلت عليه كل عام
بهذ القميص الكون اهتم
ارض وسماء الكل يعلم
وشيزوره التوقع بالدم
ثبت - بصمة چفين
فقط - تحت امر حسين
------------
المهدي من العزيات والهيئات يتشكر
الرادود واللطام والشاعر والصّور
يوصّي مهما صار لتعوفونه المنبر
ترى الفتوى العظيمة والنصر ع الشر
الفضل لله يعود وموقف المنبر
سيد علي من انطه الايعاز
طلعت زلم سوت إنجاز
غير الفتاوي ما تحتاز
زلم - سدادت دين
فقط - تحت امر حسين
-------------
ببحار الانوار اقرى وشوف العجبه
مثقال دمعة عين لأجل حسين شيحسبه
ويحتار حتى حبيب بالتسجيل شيكتبه
الف حجه والف عمره عله خطوة امشي
ومثل جنح البعوضه دموع البرمشي
تطفى جهنم باذن الله
لجل حسين وآله وياه
فايز باجر من والاه
بأذن - المامنه اثنين
فقط - تحت امر حسين