كلمات قصيدة يوميه اسافر مسلم الوائلي مكتوبة كاملة
قصيدة : يوميه اسافر
أداء: مسلم الوائلي
الكلمات:علي الأكبر الغرابي
_____________
⊰يوميه اسافر، يوميه اسافر⊱
انه اليحلم يشوفك ولو طيف ابخياله
انه اليسأل وتغرك مكاتيبه بسؤاله
يوميه اسافر، يوميه اسافر ⊱
سولفلي هسه بيا وطن
وبيا سلف يا صحره
تضحك عيونك لو بعد
نفس العيون الحمره
ابيض رمش عينك صدك
لو هذا لون الكمره
بعدك هلال بوكفتك
لو مختلف هل مره
يالمهدي يمته تخلص محطات السفر
يالمهدي يمته مايجري بعيونك نهر
وجهك يمته عالعاشك يشع نوره وجماله
انه اليسأل وتغرك مكاتيبه بسؤاله
⊰يوميه اسافر، يوميه اسافر⊱
انه اليحلم يشوفك ولو طيف ابخياله
انه اليسأل وتغرك مكاتيبه بسؤاله
يوميه اسافر، يوميه اسافر ⊱
يايوم عيني بغيبتك
تكشخ ابذيج الطلعه
ياجمعه اشوفك سيدي
واحسبها اخر جمعه
هذا انه بفراكك عشت
نارا عله خيط الشمعه
ويا دمعه تطفي المحترك
يبن الحسن يا دمعه
نار انتظارك يال ماترد من سفرتك
نار انتظارك ماتطفي اله بشوفتك
وأنه الينتظر منك ولو جلمه رساله
انه اليسأل وتغرك مكاتيبه بسؤاله
⊱يوميه اسافر، يوميه اسافر
انه اليحلم يشوفك ولو طيف ابخياله
انه اليسأل وتغرك مكاتيبه بسؤاله
يوميه اسافر، يوميه اسافر ⊱
يا ساعه احضه بشوفتك
وتضحك عيون أيامي
يا يوم من بير الهجر
ينترس دلوا أيامي
يامره من ماي العشك
اشرب ومارد ضامي
يالحظه واقع مو حلم
تطلع صدك كدامي
دليني وينك ماعندي لفراكك كلب
دليني وينك حته ارسم الخطوه بدرب
انه المايجي غيرك يامولاي اعله باله
انه اليسأل وتغرك مكاتيبه بسؤاله
⊰يوميه اسافر، يوميه اسافر⊱
انه اليحلم يشوفك ولو طيف ابخياله
انه اليسأل وتغرك مكاتيبه بسؤاله
يوميه اسافر، يوميه اسافر ⊱
ها مايجي وهسه يجي
يتزاحمن بضنوني
ويا باب الحسين شكثر
شديت بيها عيوني
ومثل الخريف وصفنته
صافن وذابل لوني
ويوميه افك باب الدمع
حدما هلي يلوموني
كل مغربيه بنيران المتانه احترك
كل مغربيه يالمهدي بدموعي اختنك
ياهو اليفتهم دمعي اذا دمعي حجاله
انه اليسأل وتغرك مكاتيبه بسؤاله
⊰يوميه اسافر، يوميه اسافر⊱
انه اليحلم يشوفك ولو طيف ابخياله
انه اليسأل وتغرك مكاتيبه بسؤاله
يوميه اسافر، يوميه اسافر
يوميه يم شاطي الامل
يالمهدي جفي يرسمك
واكتب على أوراق الشجر
كل حرف من ذاك اسمك
وبحلامي حالف لو تمر
تركض اعيوني تضمك
ما موت لو شح الهوى
ما دام باقي اشتمك
امنيتي وحده يالعايش الغربه وطن
امنيتي وحده بس شوفتك يبن الحسن
انه الضايع بهجر ولا واحد بقاله
انه اليسأل وتغرك مكاتيبه بسؤاله
⊰يوميه اسافر، يوميه اسافر⊱
انه اليحلم يشوفك ولو طيف ابخياله
انه اليسأل وتغرك مكاتيبه بسؤاله
يوميه اسافر، يوميه اسافر