كلمات قصيدة يا حاء الحروف محمد الطرفي مكتوبة كاملة
قصيدة : ياحاء الحروف
الرادود : محمد الطرفي
الشاعر : حسين حازم البوشي
~~
ياجوهر الحب واسراره الخفيه
من داخل الجب مد ايدك عليه
وبدلو الجروح دليهن اديه
حته انذر الروح لعيونج هديه
حنانج فضله مايتكرر
مكانج اكرب من الابهر
عطائج من العوالم اكبر
ماتسوه بلا خدمه ايامي
يافاطم يا اغلى احلامي
مولاتي مولاتي مولاتي يافاطمه
~~~
لا عذب الله والدتي الحنينه
ارضعتني بصباي اسمج بالسكينه
والدنيا والعوز لو دارن علينه
ترجعيها بالخير متروسات ادينه
اعله بابج واكعات دموعي
لمصابج كسرتها ضلوعي
الشبابج حسرتي وموضوعي
الدنيا بلا حبج مو دنيا
نبضاتي بلا صوتج ماهيه
مولاتي مولاتي مولاتي يافاطمه
~~~
ياحاء الحروف ياسين السماوات
ياياء الايام يانون النبوات
مجموعه بحسين هاي اجمل عبارات
يعني انتي وحسين قاموس الجراحات
عطوفه دلليتي الخادم
رؤوفه امنا يافاطم
بجفوفه الما يخدمج نادم
ربيتي خدامج عاللهجه
يانعمه ونستاهل هالنعمه
مولاتي مولاتي مولاتي يافاطمه
~~~
يا ام ابيها يعني ام النبوه
من عالم الذر صرتي ام اعله حوه
ونورج بالاصلاب فوك الدنيا ضوه
وصرتي العلي فياي وصرتي العزه قوه
خليلج ولي الله الاكبر
خليلج الفارس الما يقهر
خليلج على الكل اتصدر
يازوجة حيدر يا ام بيته
ياروحه من الدنيا وعافيته
مولاتي مولاتي مولاتي يافاطمه