كلمات قصيدة على الهزل صعدنه سيد محمد الجيزاني مكتوبة كاملة
قصيدة : على الهزل صعدنه
الرادود : سيد محمد الجيزاني
الشاعر : عباس طالب السعيدي
~
شيخلص السبي ونرجع لبو سكينه بتعبنه
وكله ورمن رجلينه من كد ما ركضنه
راية عمنه من طاحت اجو حركو خيمنه
كدام الزلم طحنه وعلى الهزل صعدنه
كلما كابلوها الهاشميه
مو زينب تره اسمج خارجيه
كلها اتحزمت جي ماكو واحد من اهلنه
نرجع ونزور .. ضلعه المكسور
بعدك يحسين .. طبينه قصور
~~~
بالمجلس كعدنه وكلها تتفرج علينه
دخان وحبل واكثر بعد كلهن بدينه
شيخلص السبي وترجع لبو فاضل سكينه
وتكله الشمر حادينه عكبك من مشينه
عباس العطش ذاك وجربتك
ارحم من زراك امتون اخيتك
جينه ياكمر مو مثل امس وياك اجينه
وتصيح الناس .. وين العباس
ونموت اكبال .. رمحك والراس
~~~
كلساعه الشمر يفتر علينه وسوطه بيده
من يضرب رقيه اتكله مابسك حميده
شايل راس ابونه وعالرمح ينزف وريده
عالي يرفعه حته اتشوفه الديار البعيده
وينزله بخبث موش برهاته
حته ايلجمه ويشوفن بناته
ويشتمها الاتكله ابوي كبالي اريده
اينزله اوداع .. ويكله ابساع
ياراس حسين .. عورت الكاع
~~~
شنسولفه ماعايز جرح ونزيده حيره
ذاك الطوله هيبه ايلمه دفان بحصيره
يمكن من نرد انكله ماعدنه اسيره
بس الهاشميه امبينه مسبيه وجبيره
نسكت يمه ويشوف البواجي
من ينشدنه جا وين التراجي
ياهي البينه راح اتكله ماهيه الزغيره
مانحجي جروح .. خافن بي روح
بس ردنه نجيب .. راس المذبوح
~~~
كون انرد لهلنه ونلكه ابونه اويانه باجر
لاميت ولاداست على اضلوعه الحوافر
كون اترد الاخيام وللاجساد المناحر
والقاسم نزفه وحنته نسويهه عاشر
نترسهه خيم ذيج الصحاري
لا خنصر ولا ابو سكينه عاري
واكف يم خواته وزلمه يا عبدالله صاير
نلتم خوان .. محد عطشان
عبدالله هواي .. بالطف كبران