كلمات قصيدة الله يعينة الفارك عزاز سيد فاقد الموسوي مكتوبة كاملة
قصيدة : الله يعينه الفارك اعزاز
الرادود : سيد فاقد الموسوي
الشاعر : محمد الموسوي
~
الله يعينه الفارك اعزاز
~~
كون الكبر بيبان اله
ونمر على الاحباب
حجي الدمع ماينفهم
من فوك التراب
اول مره السوت درب للمكبره ام عون
وتصيح من وادي النجف كل اهلي غياب
والعيد اجه هلاله .. والفارك شحاله
والمنشده باله .. جا شله بالعيد
وضلت بلا والد .. بالمكبره تعايد
راح الاعز واحد .. عن زينب بعيد
~
الما مفارك ام وابو
لايحجي بفراك
يفهمني بس البيه جرح
والكلبه مشتاك
شايف اذا حن الكلب ويصير الغروب
وبهداي بهداي النفس من صدري ينباك
من ينسمع نوحي .. وتشيب جروحي
من تنكطع روحي .. والشوف ابأديه
من ينهدم حيلي .. ومحد يتجيلي
ويكضي ابدمع ليلي .. وفراك اسميه
~~~~
يابويه من كالو صدك
تابوتك يروح
اخر نفس بيه بقه
وماطلعت الروح
مادام ابو تراب اندفن واتغطه بتراب
مايكضي شلعان الكلب وتطيب الجروح
خيمة هلي طاحت .. ضحكة علي راحت
حته السمه ناحت .. بفراك ابو حسين
ما اصدك افراكه .. وين الله نتلاكه
يابويه مشتاكه .. لعيونك العين
~~~
الفاكد اعزاز الكلب
والضهره مكسور
والتلكه خده من الدمع
ليليه محفور
والماله جاره ويه الحزن والمغرب يحير
كلوله كبل المكبره يمشي العلي يزور
يرتاح اذا شافه .. ويخسر اذا عافه
حيدر علي اخلافه .. ماتسوه دنياك
~
من تسمع يصير الدمع
يرجع للعيون
معناهه ياكلبي الامس
ماتو يرجعون
لانايمين وانده يكعدون الاعزاز
ولا سافرو حته انتضر طارش يودون
كل اهلي عافوني .. وبالغربه خلوني
شيقنع اعيوني .. ميتين الاعزاز
تعبانه بجفاهم .. لو كلهم الكاهم
او اموتن وياهم .. يدفني التراب