كلمات قصيدة ويلاه زينب ملا علي التميمي مكتوبة كاملة
قصيدة : ويلاه زينب
الرادود : علي التميمي
الشاعر : حسين حمدان الدلفي
~
ويلاه زينب ويلاه ويلاه زينب ويلاه
~~
هوه الركض مو للزلم
جا زينب شلون اركضت
خمسين عام ام الخدر
شوفولي حل يهل البخت
جم مره طاحت بت علي
ابجم جثه بليل اعثرت
ماصايره بوادم قبل
ياهوه السمع حرمه انولت
بس زينب وبين العرب
مرتين خدر الله انسلب
ياناس مو هينه وعلي
نسوان هاشم تنولي
الله واكبر ياهلي
بالحومة زينب صيحت
ويلاه زينب ويلاه ويلاه زينب ويلاه
~~~
ياهوه من عدكم سمع
حرمة ويركبوهه الهزل
ياهوه يقبل تنضرب
اخته ويجتفوهه بحبل
ترصون زينب ياخلك
يضربهه بالسوط النذل
والحادي متعمد تره
من يدفع برمحهه الطفل
وشافت ابدرب السبي
شافت الم ماينحمل
مو حكهه ماتنعرف
مابينت نقطة ضعف
بيديهه من كثر الشكف
كل السياط اتكطعت
ويلاه زينب ويلاه ويلاه زينب ويلاه
~~~
هو السبي الاول صعب
بس السبي الثاني كلف
بالمره الاولى اتلوعت
بالسبي الثاني اولا عرف
لا والي ضل لا حمه
والناس كامت تستخف
بيهه ويشتمون العرب
وعيونهه ذبلت نزف
ضلت وحيدة ام الخدر
مثل الجنازة بلا جتف
امن السبي الاول اثر
والمتن بالسوط انحفر
اولا خاطر عليهه انكسر
شمسوية هيج اتمرمرت
ويلاه زينب ويلاه ويلاه زينب ويلاه
~~~~
ايدفعونهه ابكعب الرمح
وقبضة السيف بعمد
يضربونهه كدام الخلك
حته الشماته هم تهد
والسوط مو سوط وكبل
من يسلع يشلع الجلد
ماتت غريبه ام الخدر
عطشانه كاتلهه العطش
لا ولد يمهه ولا اخو
ياهو اللطم خده وخمش
ماميته جنهه بهل وكت
جن ميته من يوم اهدعش
بس ابن اخوها وياهه ضل
امبينه غريبه امن النعش
ميته واثر سوط النذل
حافر متنهه ومنهدل
وبجفهه اثار الحبل
الحد موتهه بجفهه بقت
ويلاه زينب ويلاه ويلاه زينب ويلاه