كلمات قصيدة طبيعية اليحب معذور مسلم الوائلي مكتبوبة كاملة
القصيدة: طبيعيه اليحب معذور
الرادود : مسلم الوائلي
الشاعر : علي أكبر الغرابي
~~~~
يسألوني وعليك عيوني تندار
وهيه الشمعة سالوفتها بالنار
بنار اشواگي اكتبك مدري شگد احبك
يسألوني يسألوني
~~~~
طبيعيه اليحب معذور لو بانت عليه خله
ومدري شبيه لو ذكروك جدم يتعثر بضله
العشگ مابي كرامه وياك حلوه ابابك الذله
عشگ هاي الخلگ جذاب بس بيك العشگ يحله
يبعد اليوجعني منين ما جان
أنا أول محترگ من غير دخان
كلشي انطاني گلبك مدري شگد احبك
يسألوني يسألوني
~~~~
اخذني العالمك مابين كل اهلي واحس غربه
ومثل لون النوارس صار لون العاشگ وگلبه
قريت سوالف العشاگ لگيت أهل العشگ جذبه
ولگيت الما يحب طاريك محد يفتهم حبه
الكلت وجهه وتعابيره التجاعيد
يوج وينطفي بنار المواعيد
وضيع بغير دربك مدري شگد احبك
يسألوني يسألوني
~~~~
مر نسمة هوه بمخنوگ من الدنيه وايامه
مر بيه اليحب يرتاح لو مر خله بحلامه
مر بيه الدمع مرخوص للينتجي اعله اوهامه
اي والما غفن بجفاك ليل الهجر ما نامه
اخذني وسولف اعله جروحك وياي
وسولفلك جروحي ونطلع براي
ولو جرحك يعذبك مدري شگد احبك
يسألوني يسألوني
~~~~
اصوغ من الدمع مكتوب كل ما اغازل عيوني
وسولفلك عليه شلون كل ما تسأل شلوني
لون العافيه بلياك ما يعرف شكو بلوني
ويلوموني الخلگ وارتاح جي بسمك يلوموني
يلوموني ولا مهتم للنگال
اغار جروحها من طبع الجبال
المهم خليني گربك مدري شگد احبك
يسألوني يسألوني
~~~~
هاك عيوني يالمحبوب كلما تعطش ارويهه
وهيه عيوني ما تسواش لو ما تنترس بيهه
ما ترتاح حگها عليك يا لذت بواجيهه
لون بيدي بعد يحسين حته سنيني ابديهه
اعله بابك عمري من يطشر ارتاح
وگولن عمري فدوه الخاطرك راح
المهم يقبلني ربك مدري شگد احبك
يسألوني يسألوني