كلمات لطمية ستري والسند الرادود علاء التميمي مكتوبة كاملة
قصيدة : ياستري والسند
الرادود : علاء التميمي
الشاعر :محمد الزيدي
~
نام يا هيبة خواتك لونك ولوني طفه
حته اصبرهن واكلهن نام الحسين وغفه
لا تدور عيونك الهن حيل ما بيهن بعد
صعبه يندار لخواته الينذبح من الكفه
هذا ياهو العوراك .. ياهو بايك لونك
والله مابياش اكول .. ياحسين شلونك
نام يابو سكينه نام .. وانسه طاري الخيمه
ذابحينك من كفاك .. لاتدير عيونك
وينك ووين الخيام .. يمذبوح
عوفهن يحتركن ونام .. يمذبوح
~~~
لا تفكر بالبنات صواب نحرك مو سهل
يابو الف وتسعميه شوايت الله عله الحبل
حالهن مو مثل حالك اشوه ياخويه وعلي
انته فوك من الرماح وهنه فوك من الهزل
لاتهم بيهن يخوي .. سولف اعله همومك
لا تدور عالبنات .. دور اعله هدومك
محبسك سولفلي وين .. هسه ياجف لابسه
والعمامه الخضره ليش .. مامغطيه رسومك
محسبك وين حرامات .. يمذبوح
والملابس غريبات .. يمذبوح
~~~~
يبو عمامه اللامتنه وتالي ماتالي هوه
دمك على الخيمه طايح جا الخيل شكد مشت
غطي روحك من تجيلك بلكت تضيع الدرب
ولو عطرك بيش ينضم خويه ياعطر البخت
خيلهم ماجنها خيل .. شادين عيونهه
راح اصيحلهم يبوي .. بلكت يوخرونهه
من صباح الله تدوس .. فوكك وما رايحه
ليش وصوهه عليك .. واختك يخلونهه
كون اغطيك واشمك .. يمذبوح
بس الخيول تلجمك .. يمذبوح
~~~~
اخ والاخ شكبرها وهذا شلعان الكلب
سابينك والملابس تارسه عيون الدرب
ماتلوكلهم هدومك ليش جروها بحقد
والعمايم مال ساده ماتلوك اعله الغرب
ياترف مو للشموس .. ياعطش ياهيبه
شيبتك جانت ضواي .. هسه حمره الشيبه
ليش عريان الحنين .. والشمس محتامه
وثوبك يودي بعيد .. الهوه ويجيبه
خويه ثوبك يريدك .. يمذبوح
اكعد ومدلي ايدك .. يمذبوح
~~~
ياحسين وداعة امك بعد ماريده العمر
كاع متروسه شماته وين ما اوكف شمر
هذا شامت ذاك شامت وانه بالنص ياعلي
لاتسولف عالمتون حسين سولف عالخدر
ماشيه بنص المضيف .. لاعلم لارايه
وابو كلب المو نضيف .. سمعاني حجايه
ياحسين وكون اموت .. حالي حال الماتو
واسم زينب خويه راح .. صار اسمها نهايه
اختك نباك علمها .. يمذبوح
سولفو ليش بإسمها .. يمذبوح