كلمات لطمية رحلة قحطان البديري مشاية الأربعين مكتوبة كامة
قصائد المشايه رحله قحطان البديري مكتوبه, كلمات لطميات مشايه رحله قحطان البديري
قصيدة : رحلة
الرادود : قحطان البديري
الشاعر : واثق العيساوي
~
رحله .. بيه السهر بيه التعب .. يحله
بيه اتفق كلب الوفي و عقله
بعيد الدرب بس الحسين اقرب
زاير يكل للثاني ما نتعب .. سهله
~~
رحـلـة عشـك كـبرى .. يا محلى هالسفره
كـــلـمـن حـزم امـره .. و الـدمـع بــالعيـن
كل خطوه محسوبه .. يــم الله مـكـتـوبه
كــل كلـب محبوبـه .. كربـلـه و حـسـيـن
انوي و اكصد و امـشي و الرايه تـرف
متحس غربه و تلكي كل ناسك عرف
اهله .. الزاير يحس بيت الخدم .. اهله
سفرة كرم طول الدرب مدله
اليسمع الملكه شلون يتقرب
زاير يكل للثاني ما نتعب .. سهله
~~~~
كوم تمشي يا زاير .. بجـدامـك اتسافـر
بـس الـقلب طـاير .. ما تـشيلــه الـكاع
لاهل العقل راجـح .. هذا الدرب واضح
كل المشه نــاجـح .. و التعب ما ضـاع
احسب و اجمع و اضرب تتعب و السبب
كلشي اعجاز تسجله و تشــوف العجـب
عُجبه .. ارقام و اعداد و كرم .. عُجبه
اليحسب متكفي ارقامه لا كتبه
كل هذا لاكـن تسمـع الاعـجـب
زاير يـكـــل للثـاني مـا نـتـعب .. سهله
~~~~
بهاي الخدم نفخر .. اشـهـور تتـحضر
بالموكب و تسهر .. تـــخـدم الـــزوار
تتـنـافـس بحبـها .. اتضيفك بموكبها
جرب و لتطبهـــا .. و انت عود احتار
ايجبرك تدخل عنـده كله اي نعـم
واكف هو او ولده سيطرة الخدم
تعبره .. هذا التحدي و فنك اتعبره
يتمــــدد اكـبالـك مثل سفـره
ما تلكي من اهل الكرم مهرب
زاير يكل للثاني ما نتعب .. سهله
~~~~
كلشي اختلف لونه .. واسرار مكنونه
هالرحله مضمونه .. السـيد الاحــرار
وكت الفجر يطلع .. الزوار جن منبع
من كل كتر تفزع .. كل فرع كل دار
وكت المغرب ينزل و الخادم الك
مدلك رمش عيونه كون يــدللـك
ليله .. تشوف المجالس تبدي كل ليله
و يلطــم الزايـر جنه رد حـيله
و الناعي لو صاح بحزن زينب
زاير يكل للثاني ما نـتعـــــب .. سهله
~~~~
كل طفل كل شايب .. رايه و عشك جايب
ابهذا الدرب ذايـب .. يــــبقـه حـد المـوت
و الحرم مستــوره .. تمشي بأجــل صوره
لحسين و تـــزوره .. و بس نعي بالصوت
يتعب كلمن حاول يمحي هالدرب
قطـعاً يحلم باجر جنه ما يـطــب
باجر .. يتلافت و يبقه بحزن حاير
و حسـين بيدـه يـاخـذ الــــزايـر
الهذا السبب و اسباب ما تحسب
زاير يكل للثاني ما نتعب .. سهله