كلمات قصيدة كلبي ضامي مسلم الوائلي مكتوبة كاملة
القصيدة: گلبي ضامي
أداء: مسلم الوائلي
كلمات: محمد الموسوي
~~~~
گلبي ضامي..وبعثلك سلامي..يلمحبوب
يا وجودي..عطشان علمودي..يلمتعوب
يغالي..يغالي..دليني بحزن عيونك
سؤالي..سؤالي..بشر يحسين شلونك
يغالي يغالي
~~~~
أنا اندل جروحك وين بس انه هاي أحلامي
اتمنه اشوفنك زين مو منذبح لو ضامي
مره وحده اتمنه أرسمك بيهه
تشرب الماي وفرح گاضيهه
ردت أحاول والقلم من أيدي طاح
ضحكتك حته الرسم ناسيهه
ضحكتك..ضحكتك..محد يگدر يرسمهه
يغالي..ولجمتك..مو كل واحد يفهمهه
يغالي يغالي
~~~~
إسمك نهر بس عطشان والعطش ترس حروفه
حزنك ضوه بصف عميان جيب البگلبه يشوفه
انته حزنك مو لطم وقرايه
لهسه تبجي عليك المسنايه
حيرتنه ولا دمع يرهم عليك
ولا طيب جروحك المشايه
جبيره..جبيره..وكبرهن جرح العاشر
حصيره..حصيره..تشيلك من جوه الحافر
يغالي يغالي
~~~~
لا جاي أعرف الياذيك لا شفت گلبي دموعي
كون الله يرزقني بخيل أدوس فوگ ضلوعي
احنه نبجي وما نعرف السالفه
وانه أتخيل حدث ما شايفه
الخيل يمكن راحت وردت عليك
جا دخيلك روحك شگد نازفه
لهسه..لهسه..تنزف يحسين جروحك
حبيبي..حبيبي..محد يستاهل روحك
يغالي يغالي
~~~~
تگدر جنت تلغي الموت وعليك موش بعيده
بس الله من باب الشوگ هلشال روحك بيده
كرم عندك ماكو واحد شاله
اليگدر يحبك صدگ هنياله
الله بس انته اشتهه يشوفك ذبيح
وشلت عبدالله وهديته جماله
لأنك..لأنك..مدري شگد تحب الله
هديته..هديته..بلطف ضحكة عبدالله
يغالي يغالي
~~~~
يلفشلت حته عداك ذبحوك بس احتاروا
تنزف ضوه من مگفاك وعليك كلهم داروا
يا حلم وتمنه عيني تضوگه
انته تاج الرمح شالك فوگه
يلمتت واگف النخل طالع عليك
واگف يضل من تموت اعثوگه
يشبهك..يشبهك..بس عباس انت يشبهك
يعذبك..يعذبك..جي غالي فراگه يعذبك
يغالي يغالي