كلمات قصيدة هوسات الموت حيدر البياتي مكتوبة كاملة
قصيدة | هوسات الموت |
الرادود : حيدر البياتي
الشاعر : مصطفى العيساوي
هوسات الموت يوم الانصار
🎶〰〰〰〰〰〰🎵
زينـب تسـئل عنـك محتـارة ببـاچـر
شيخ الموقف أكـبر مـن يـوم العاشر
وينه الگلهـا تهابه وطـاهر مـن طاهر
صاحت عمي وكالت يا خلفت ظاهر
الليل يسولف عـن شيبه
الحگ لو بالنجمة يجيبه
إسمـــك عنـوان الهـيــبة
بــاجــر بالمـلعـب نيـبــه
يـوم العـاشر ملعب
بس الزين يبين بيه
🎶〰〰〰〰〰〰🎵
وحـگ شيبة لحيتي وشــارتي البيه
و وحگ گلبي اليدگ لحسين يوميه
مـو بـس كربلـه تنگلـب بيهـا الگـاع
الهـوه مــا يوصـل الخيـمة العلويـة
مـا اثني الحـچي مـن عمـامتي تنـفل
السمه والگاع ترجف خوف من ازعل
الــوح بـرايــتي آخــر شـبـر بـالگــاع
وأفـــر الگــاع يمــج فـــرة المــغــزل
الگـاع الخـاطـر زينب
توگف لو تفتر مگلوب
🎶〰〰〰〰〰〰🎵
زينب گـالت حيهم فارس يم فارس
تسئل ويــن البيهم عالمـوت ينافس
ويـن الينجن بيـك ولخيامك حارس
عندك صاحب عاقل مجنونك عابس
يالمـاكو بمثـل اوصـاف
يا كعبة الروحة وطافك
حـگ الينجن لـو شـافك
خسران حسـين العـافك
حسـين العـافك يخـسر
والظل يمك مو خسران
🎶〰〰〰〰〰〰🎵
عـابـس بسـمي بـاجــر لا تـنادونـي
انــا العــاقــل المجـنون سـمــونــي
قيس وربعة واهل العشگ والتاريخ
على حـب الحسين الكل يحسدوني
كـايلها المثـل وآهـل الشـعر والدين
ضل بغير صـاحب لو تصـاحب زين
غــيــرت المــثـل والمـثـل گــال الله
عوف الدنيا كلها وصاحب انت حسين
الينـجن يــمـك عــاقــل
عابس عاقل مو مجنون
🎶〰〰〰〰〰〰🎵
تسئل وين اليوگف ويوفي ديونه
ويـن الجـان بخيرك تارس ماعونه
وين اليركض حافي من يحشمونه
هـذا المحد مثلـه و جـون يسمونه
حي الله ازلام الغيرة
الما بيها ظهره يديره
يـا هيبـة هاي الديرة
سر ويصعب تفسيرة
يـــوم العــاشــر موقـف
محد منهم عاف حسين
🎶〰〰〰〰〰〰🎵
گــالو لونـي أسـود هذا مو مقياس
آنه الگلبي ابيض عكس هاي الناس
تـرة طبع الذهـب مـا ينغـث بزنجار
جون اسمي وأحب حسين والعباس
وحـگ السـولفت بالخيـمة واخوتها
مـا اثـنـي الحچايـة بسـيف نخـوتها
شيچيب الصبح وتشوف هذا الناس
گـبل الفجـر نغـبش ضـوة الخيمتـها
الكشخة تبين بالطف
مـو كشخـة بملبـوس
🎶〰〰〰〰〰〰🎵
گــالت ويـن البيرغ خــل يــرف عـالي
خـل تهوس ربعـك غـالـي بصـف غالي
حسين الصاحب موقف وحچاية ببالي
الزلمـة الگـلك ساكت والتحجي افعالي
يـوم العـاشر مـو كلمـة
آنــه ادري بربعـك همة
كل واحد غيرة محزمة
اكبــر مــن كـلمـة زلمـة
بــيـوم الشــالـو بــيــرغ
رجفت منهم حتى الگاع
🎶〰〰〰〰〰〰🎵
طـلعو فــرد طلعة وهـوسو للمــوت
إحنه وي الحسين وفنـه زلمـة يفوت
بـريـر ووهب صاحو مانعوف حسين
وزهير يصيح حيهم هله بهذا الصوت
صـار صيـاح للسبعين يــم زينـب
احنه اليشهد النه السيف والملعب
واحــدنه خيــالــه يعــند بسبعين
مـثل المطر باجر والحسب يتعب
الزلــمـة البيـهم عسكر
زلمك ما جنهم سبعين