كلمات قصيدة يبو فاضل مدد عمار الكناني مكتوبة كاملة
كلمات قصيدة يابو فاضل مدد الرادود عمار الكناني
الشاعر : احمد الهلباوي
~
يبو فاضل يبو فاضل يبو فاضل مدد
~~~
ياكفيل ام عون
جيتك بدمعات عيني ياكفيل ام عون
ياكفيل ام عون
جيت اصيحن يابو فاضل ويه الايصيحون
ياكفيل ام عون
خادم الكم سجل اسمي ويه اليلطمون
بيك ابدي ياشمعة باء البسمله
حزمنه العاشورك واحنا بأوله
مولاي اخذ الروح وخلها بكربله
~
ياعزيز الروح
انته بس انته الاكلك ياعزيز الروح
ياعزيز الروح
ياكفيل الدمعه والحب لليريد ينوح
ياعزيز الروح
حزام للخدمه اريدك وابجي للمذبوح
ما امد ايدي لغيرك بس بيك اقتنع
من ربي ادعي بجاهك يرزقني الدمع
ودعوه المابيه اسمك ماضن تنسمع
~~~~
ياكفيل انخاك
لمجلس الزهره اجيتك ياكفيل انخاك
ياكفيل انخاك
هذا عاشور الغريب واريد ابجي وياك
ياكفيل انخاك
ماد يمناي واتاني سيدي يمناك
كالولي انخه الكافل وارفع يمنتك
غمض عين وفتح تخلص حاجتك
عمري ارد اكضي واكف كله بخدمتك
~~~
يا امير الماي
هذا شهر احزان زينب يا امير الماي
يا امير الماي
وياك اريد ابجي عليها والمصاب الجاي
يا امير الماي
وكون من الفض اسمها انحني مولاي
خليني ابجي عليها وتحركني الخيم
واذكر غربتها اشما رف فوكي العلم
ودليني اعله عيونك يمدّلي السهم
~~~~
ياكمر عدنان
سيدي وماعندي غيرك ياكمر عدنان
ياكمر عدنان
انته عطشان وتبجي الناس عالعطشان
ياكمر عدنان
رخص ادموعي الغربته حته اصير انسان
ومسجونك خليني وسجاني الحزن
بالخدمه يصير احله من الجنه السجن
وتدريني بلا دمعه حي راح اندفن