كلمات قصيدة درب العشك محمد الجنامي مكتوبة كاملة
قصيدة :- درب العشك .
كلمات :- الشاعر كرار حسين الكربلائي .
أداء :- الرادود محمد الجنامي .
🖤♦️♦️🖤♦️♦️🖤
أكتب اسامينه يدرب العشك
بالعشرة نبصم الك ما نفترك
ابهذا الزمن دورنه كل البشر
ما شفنه غير حسين صاحب صدك
🖤♦️♦️🖤♦️♦️🖤
للـناس معشوك ... عنوان للشوك
محبوب للروح ... بالخيل مسحوك
منو شايف منو سامع ميت عايش بكل زمن
و اسهامه شافنه صدره بي مضيف الحسن
للضايع للخايف صارت كربلاء الوطن
دك باب الحسين و يروح التعب
مـحد يقيـم الذهب غيـر الذهب
دورنه صاحب ما يخون الملح
ما شفنه غير حسين صاحب صدك
🖤♦️♦️🖤♦️♦️🖤
حـبـيـت إنـسـان ... يــنــقـاس قــرآن
عطشان لحسين ... و حسين عطشان
سالفته من احجيها تبجيله السمه و النجم
عاهدته ما اعوفه حسين انطيته كلمة زلم
للوادم ما أهتم هوه الوحده عندي المهم
لو اعمه اندل بابه وأصل اله
رجليه كبلي اتروحله لكربله
آنه و عيوني الما يشوفن بشر
ما شفنه غير حسين صاحب صدك
🖤♦️♦️🖤♦️♦️🖤
خــدام لــثـنـيـن ... لحسين و حسين
ولجفوف عباس ... رايـات مــاشـيـن
علوهن راياته جف ايوصي جف بالدرب
نوصله و انزوره هاي الدنيه لو تنكلب
شافونه و عرفونه يسهل يمنه كلشي صعب
هاي المواكب رزق من فاطمه
وابكيف الحسين الأرض والسمه
ابذاك الزمن كربله صاحت هله
ما شفنه غير حسين صاحب صدك
🖤♦️♦️🖤♦️♦️🖤
يا ناس هـيـهات ... عـباس ما مـات
ابكل گاع تلكون ... لحسين خيمات
خيماته ما طاحت وانشوف المواكب خيم
و الزاير ما يتعب ما دام الدرب بي خدم
من يطلب يتدلل كلها اتكله صار و نعم
شيبة بخت منحزم ابموكبه
من حلكه حلوه اليا هله و مرحبه
و اينادي هاي الدنيه كلها جذب
ما شفنه غير حسين صاحب صدك
🖤♦️♦️🖤♦️♦️🖤
شهرين وياك ... و للموت وياك
ايام و اسنين ... مذبوح نلكاك
مو عشره لا عشره حبك للبشر معجزه
ايظل دائم للقائم لا ما ينكطع هالعزه
يا زينب لو صحنه حته الميت انفززه
باجر يجي المهدي و يموت الظلم
و انصاره اهل الدمعه و اهل الطلم
و انكله يبن الحسن اي و الحسن
ما شفنه غير حسين صاحب صدك