كلمات اول ماطحت يحسين مسلم الوائلي مكتوبة كاملة
اول مرة طحت يحسين
مسلم الوائلي
🖋 عباس طالب السعيدي
*********
يحسين اليريد يشبكك منين
محتاره ودمع بعيوني الاثنين
ماترضى تكوم وتشبكني لو هاي اسهامك تدفعني
....................
جنت توكف مثل كلبك لو جيت بسما أحلامك
واجيت وماكمت لأختك وكفت عنك اسهامك
انه اعرفلك بس الخيل ماتعرف صدرك
عين تلمك لم اردان والخيل تطشرك
من جنه نكوم انه وياك انت أطول مني
هسه ان أطول منك حيل جي عوز نحرك
احسب جم جرح واكتب عل التراب
من كثر السهام اغلط بالحساب
ابعد كلما كتلي ادني لوهاي اسهامك تدفعني
.............................
حركوا خيمتي وجيتك
لكيتك محترك اكثر
طشرنه الركض دخان
ومثلنه جسمك مطشر
كد ماوجهك دم متروس مااعرف وجهك
والجان يشبهك يحسين ماكام يشبهك
من شفتك ساكت عل كاع كلتلهم نايم
سمعتني الخيل وحسيت بالكوة تندهك
صاح عالمخيم حيل حركوه
واليطلع عدل من عنده اذبحوه
ماادري افراكك ذابحني لو هاي اسهامك تدفعني
.................................
اول مرة طحت يحسين بعيني وكفت الحيرة
الوادم غيمة تحسبني كلساع انزل بديرة
أشعل شمعة بصفك جيت بس شفتك تنعه
كتلي ال محتركتله خيام مو مالت شمعة
ثاري الميت هم يشوف عازة خوانه
ياهو ال يبجي وياهو يكول يستاهل دمعة
يحسين السوالف موش حلوة
واول وحدة منهن امشي كوه
عنك ياهو الي وخرني لوهاي اسهامك تدفعني
.................................
ركضتنا عبي ورجلين والهيمة ابكبر جرحك
وعلى بت الشرف يحسين الماعنده شرف يضحك
يحسين ال تعثر بالماي عطشانه ملكه
العنده اخوان مذبوحين من ينزف حكه
وآل ماشالتها الكيعان من كد ماتركض
بس العدها خيام هواي لكن محتركة
مو رجليه المورمات ايديه
من كد ماادور عن رقية
بيك امجلبة وحيل اتهدني لوهاي اسهامك تدفعني
..............................
عرفتك من عثرت اوياك وكتلي زينب اسم الله
عرفتك انت ابوالاكبر من هز راسه عبدالله
كلي اشلونج وابجي وياي واشلونك انت
انه العمري بالخمسين ركضة مخلصته
انا السألوني عله حسين واجاوب سكته
كلتلهم طايح بس ماطاحت فاتحته
ها يالميت وماعنده اعزاز
هذا اول رمح لاكيته جناز
ميتة اكبالك وتشيعني لوهاي اسهامك تدفعني
يحسين اليريد يشبكك منين