كلمات قصيدة أميرة الزمان رضا الاراكي مكتوبة كاملة
قصيدة : أميرة الزمان
الرادود : رضا الآراكي
الشاعر : هادي شبيب الخيكاني
~
حسين ياخوية
~~
انه الأميرة بكل زمن .. بس الوكت خذاني
للما عرف شنهي الخدر .. ع الهزل وسباني
والنهر حسم قراره .. اخذ يمنته ويساره
وانه ادري ميتلي كمر .. إلمن بعد اتاني
انه الاميرة بنت الهواشم
لا ضلي والي وماكو اخيام
سد الهزيله فوك الترابه
اخت ابو فاضل وسفه اتنام
بالهيمه العلوية وما عندي افياي
فرجه ابين الوادم رايح والجاي
شتحمل والركضن ما رحمن بيك
وشفافك ذبلانه وما شارب ماي
~~~
يمشي الدلال الكربله .. مهيوبه ديره ديره
محد دره عدكم اخت .. يمكم جنت اميره
تالي ابطرك عبايه .. نوك وهزل سبايه
هم شافت عيونك كبل .. عثرت مرة وجبيره
بين الشماته ونعثر هضيمه
وطرف العبايه تلوحه النار
شكدر احامي امجتفيني اديه
وفزعت علينه ازغار اكبار
ياويلي المسبيه تسميني الناس
يعرفوني امدللتك واخت العباس
شمسوي وهالوادم ما رحمت بيك
صدرك يا متعيني ابحافر ينداس
~~~~
يا خوية حيل استهضمت .. من كالوا الغريبه
من شفتك تكوم وطحت .. جانت اشد مصيبه
منها واعرفت قراري .. لازم امشي بالصحاري
محد نشد بيها وسأل .. الجانت إلك حبيبه
حركوا خيامي وفزعوا علينه
وين انطي وجهي ونار وخيل
ما لايك إلنه ممشه الصحاري
جا وين انامن والدنيا ليل
شتسوي الما عدها بهالدنيه اخوان
والهيمه الما ترحم حال النسوان
شحجيلك والصارن هدن لي الحيل
بالسوط اعله اطفالك خلوا نيشان
~
من طاحن جفوف الكمر .. اثر علي مصابه
ضيعت ضعنكم بالغرب .. ونومتنه عالترابه
والزمن حجه بأميره .. عالهزل مشت اسيره
شام الشماته ال بالقصر .. واقساهن الخرابه
عكب الدلال وشيج المهابه
تفتر أميره بنص السوك
شام الشماته طبول وهلاهل
مستحيه جانت حتى النوك
يا علوية الكبلي امعثرتها النوك
بالهيمه ولا خيمه ومن سوك السوك
ذباحك ما كفه ابذبحك وارتاح
فوك ارماح الشامت راسك معلوك