كلمات قصيدة ادور عليك مسلم الوائلي مكتوبة كاملة
قصيدة : ادور عليك
الرادود : مسلم الوائلي
الشاعر : اسامه الفيروز
~~~
اه يا حسين يا بويه
~~
ما اندل وادور عليك محد كال عنك
كلها تريد ما اشوفك ولا واحد علي دناك
قميصك شلته من الكاع ضليت انته وين الكاك
اشمن ريحتك ماهي عطرك ذابحينه وياك
ثاريك كبالي وكمت ماعرفك
نازف ويابس حدر جسمك نزفك
اه يحسين يا بويه
~
كلت الكاك بس كبران لو من فركه متغير
ومثل الناس اليشيب بنته تكوده من يكبر
مثل مادار وكتي وياي كون الوكت يفتر
وترد للخيم وتعيش وانه انذبح وانته ازغر
اوصل يمك واشرد يخوفني الدم
بيا وكت اصرخ يمك وما تهتم
اه يحسين يا بويه
~~~~
كوم وياي رجعني بعيده خيامنه عليه
ما اكل لبناتك مات اكبهن يجي العصريه
اشرب ماي يله تموت الك ضميتلي شويه
اذا زعلان عالباكو اجيبن هسه ترجيه
حاجيني مية مره عدت البابا
كلبي وكف ياعلته وصوابه
اه يحسين يا بويه
~~~~
احركنك واطيح عليك ساكت وانه الاتلّجم
انه جفوف اديه زغار يترسهن وازيحه الدم
لا تنشبك لا تنشال لا تنعاف لا تنلم
هو الموت بالفركه المات من التعب يسلم
انده واصيح و ماتحرك كلبك
ايست كلش راح اموتن يمك
اه يحسين يا بويه