كلمات قصيدة باچر يطش الشمل مسلم الوائلي مكتوبة كاملة
القصيدة: باجر يطش الشمل
أداء: مسلم الوائلي
كلمات: هاشم الصالحي
~
امشينه يم زينب الليله امشينه
ليلة وداع وحزن يسكينه
باجر يطش الشمل
فراگجن ما ينحمل
حسين باجر عالرمل تلگينه
امشينه يم زينب الليله امشينه
~~~~
بويه يسكينه ارد اگلج باجر يذبحون ابوج
وباجر اخوانج ضحايه البالدرب ما فارگوج
شدي حيلج للمصايب باليسر لو جتفوج
امشينه يم عمتج يبويه ارد اوصيها اعله اخوج
وليدي ما يحمل مرض
لاجن امر الله انفرض
وبسلاسل باجر اتشوفينه
امشينه يم زينب الليله امشينه
~~~
راح هو وسكنه يمشي وطبوا اعله ام الخدر
اتلگته وگامت تشمه وفكت ازرار الصدر
بيك اشمن ريحة امي ويا صباي من الزغر
نحرك الباسه محمد باجر يگطعه الشمر
وشمته بنص منحره
وصبراها اعله الجره
وگلها اخيج باجر اتفگدينه
امشينه يم زينب الليله امشينه
~~~
وگعدوا وصار الموادع والمفارگ وكته حان
وسلمت شمس المحنه ورايح الينگط حنان
ودارت الدنيه اعله زينب والوكت بحسين خان
وين جنه وين هسه وهايه عملات الزمان
وصار الموادع صدگ
حسين باجر نفترگ
يا بعد باجي العمر وسنينه
امشينه يم زينب الليله امشينه
~~~
گام يوصيها ابناته وحل بالمخيم سكوت
وگالها اتصبحين باجر لا اخوان ولا بيوت
سمعته وكضت گلبها وشبگته ورادت تموت
وختنگ صدره وتحسر والنفس ظل ما يفوت
وهو مخنوگ بحزن
وهيه مذهوله وتون
اتحسر وفاض الدمع من عينه
امشينه يم زينب الليله امشينه
~~~
وحاجته ليله بدمعها اتوسلك طول يليل
حسين بس الليله يمي والصبح ناوي الرحيل
فدوه غطينه بظلامك لا يطر فجر العويل
الگوم حاطت بالمخيم وسمع اصياح وصهيل
وگرب يطر الصبح
وراح افك ريجي بجرح
باجر يذبحون وينه وينه
امشينه يم زينب الليله امشينه
~~~~`
باجر اول مره زينب تطلع ابين الزلم
وحايره وتكسر الخاطر لا اخوان ولا خيم
وگفت اعله التله صاحت وينكم يهل الشيم
اتلاحگوا زينب يهلها سورها العالي انهدم
وگمت اگومن ونهطر
ويزمخ علينه الشمر
وصرنه فرجه محد يحامينه
امشينه يم زينب الليله امشينه
~~
جابوا النوگ وخذونه وعالجثث مر الضعن
وما رضه ننزل عليكم من بعيد اتودعن
شفنه جسمك بالمعاره ولا اثياب ولا جفن
خويه حته النوگ حنت والمصاب اختك بجن
وحايره بمشيي الهزل
وسوط وصياح وحبل
وراسك براس الرمح يحدينه
امشينه يم زينب الليله امشينه
°°°°°°°°°°°°°°°°°°°°°°°°°°°°°
لطميات مسلم الوائلي
قصائد مسلم الوائلي مكتوبة
لا تحيرني بجفاك مسلم الوائلي مكتوبة
قصائد حسينية مكتوبة مسلم الوائلي
قصائد مسلم الوائلي مكتوبة طبيعيه اليحب معذور
قصيدة مسلم الوائلي مكتوبة كلبي ضامي
الرادود مسلم الوائلي
مسلم الوائلي يحسين وين اليوجعك
مسلم الوائلي يا محمد هدت الخياله مكتوبه
مسلم الوائلي يزينب راح المدلل مكتوبه