كلمات قصيدة ياروحك الما تنوصف سيد فاقد الموسوي مكتوبة كاملة
تحميل قصيدة ياروحك الما تنوصف, كلمات قصيدة ياروحك الما تنوصف
.jpg)
ياروحك الماتنوصف ماجنهه عود مثلمه
وعيونك الجنهن صبح لا ياصبح جنهن سما!!!
شيبك حلو خيوط الشمس بس امسح شويه الدمة
ماخذ جمالك من علي ومكملك الله بفاطمة
واذا تضحك شفت زينب وابوفاضل يشبهونك
انذبح ختشوفك الوادم احلا من اليذبحونك
شفنه الدنيا بعيونك سلام الله على عيونك
يبعد الراح والجاي ...يماي بشفة الماي
السلام عليك يااباعبدلله....السلام عليك يااباعبدلله
------------------
يالماتبين منذبح ماجنك بذبحك تحس!!!!
وجروحك الجنهن نهر لا يفرغ ولا ينترس
يالتكدر ترد الضوه بس تالي فهني الدرس
عن لا يشوفون الخدر يمكن علي مطفي الشمس
يااول نهر عطشان ماشايف نهر مثله
كل مايبست جروفة غصبن ع العطش يحلا
حسين المايكتله السيف طلعة زينب تكتله 💔
الخواته ماسمع صوت ..بطلعة زينب يموت
السلام عليك يااباعبدلله....السلام عليك يااباعبدلله
-----------------------
يافي نخل واحلا واحن يااول الحب لو بده
خطار اجة الموت وذبح وين اليحبهم من هله
انطاهم ورد ينذبح ماعنده جانت مشكلة
حته على الاسهام التجي ماگطعت بحلگه الهلا
تنطي وماتكول انطيت يالمنطي اهلك وناسك
كل نسمة هوى تمر بيك جانت تشتري انفاسك
كل الهيبة الك بالگاع وهيبة اعله الرمح راسك
تميل بوكت الوداع.... وجدمك كاض الگاع
السلام عليك يااباعبدلله....السلام عليك يااباعبدلله
-----------------------
يالرايد تحب من تحب حب اليحبك من صدك
حب اليراويك العشگ موش اليسولف ع العشگ
لو اسم التحبه انحجه تتلفت وگلبك يدگ
من تسمع بطاري الخيم گبل المخيم تحترگ
كون تموت لو حبيت والمعشوگ يستاهل
مابين الرمح والسيف حس بروحك تقاتل
گله ارزقني حب حسين من تزور ابوفاضل
السلام عليك يااباعبدلله....السلام عليك يااباعبدلله
-----------------------------
الملا: سيد فاقد الموسوي
الشاعر: حمزه الحسناوي