كلمات لطمية حسينا الرادود خضر عباس

 كلمات لطمية شد حيلك وصل عاشور مسلم الوائلي مكتوبة كاملة

تحميل لطميه شد حيلك وصل عاشور مسلم الوائلي, قصيدة شد حيلك وصل عاشور مسلم الوائلي تحميل كلمات

شد حيلك وصل عاشور 

أداء: مسلم الوائلي 

 كلمات: علي مالك الموسوي 

~~

شد حيلك وصل عاشور 

.. حياكم يلطامه 

حته المهدي لجل حسين 

.. واگف شاد احزامه 

بيهم غيره الخادم والزاير 

يا هنياله اليلطماك باجر 

.. حياكم يلطامه 

~~~~

رايح توصلني فكره 

المجلس واجب نحضره 

خادم كض بيده عمره 

.. فدوه العباس 

روحي انه المجالس 

رايد بالحب منافس 

عاقل بس عندي عابس 

.. تاج اعله الراس 

هذا الجاي عاشوري 

غرد كربله بطوري 

راح اخذ بعد دوري 

.. حسيني العاده 

اصيحن گوموا خواني 

ركض تفزعلي صحباني 

خيم واحد بصف ثاني 

.. نعزي الساده 

والما يدگ صدره وياي 

خل يعيش بوهامه 

.. حياكم يلطامه 

~~

موكب عندي اعله گدي 

ضاگت بس الله عندي 

امتاني يطلعلي مهدي

.. وفزع وياه 

جانت خيمه وزغيره 

وصارت بيها جبيره 

خادم وبراسي غيره 

.. وبكلشي انخاه 

وانه زغير سويته 

موكب ونتشر صيته 

بسم حسين سميته 

.. يماي العين 

كل واحد يكض گلبه 

وي الموكب ينصبه 

جا شيريد من ربه 

.. اذا حبوني 

لحسين التعب ما ضاع 

ويموت اعله خدامه 

.. حياكم يلطامه 

~~~

خادم صاح اعله خادم 

خيرك يا خويه دايم 

واصل ضعن الهواشم 

.. حي الله حسين 

بيرغ هاشم نشيله 

وصلت وادم ثجيله 

غابت شمس العقيله 

.. عن شوف العين 

هسه الرايد يوالي

خل يصيح كالتالي 

زينب گاعده ابالي 

.. هله بكفالها 

لهل البيت كل عمري 

انه وكل هلي وبزري 

والما يدري خل يدري 

.. اعيش بجالها 

كل واحد يوالي ام عون 

حافظ روحه واسلامه 

.. حياكم يلطامه 

~~~

باجر يوصل حسابك 

تطلع وانته بترابك 

يوگف زلمه اعله بابك 

.. وتشوف النور 

عينك خلها اعله عينه 

وسمع نوحه وونينه 

وگله عليكم بجينه 

.. گرب عاشور 

يدري حسين شحجيله 

ويعرف ياهو يبجيله 

يوگفله ويتجيله 

.. ويطيح اذنوبه 

احسن درب بالعالم 

عمرك بي تظل سالم 

من ينگالك خادم 

.. حلوه دروبه 

والعاشگ صدگ يا ناس 

تلگاه يرفع الهامه 

.. حياكم يلطامه 

~~

اوگف انته وضميرك 

گله ما عندي غيرك 

هلبت يطلع مصيرك 

.. ويرزقك نوح 

صدرك دگ اعله صدرك

باجر زينب تسترك 

خلص بالخدمه عمرك 

.. وفديها الروح 

ياهو الراد شخصيته 

خل يفتح حسينيته 

كلمن مجلس ابيته 

.. مواكب هايه 

دمامك وزنجيلك 

كل انهارك وليلك 

اوصل كربله بحيلك 

.. ودگ الرايه 

والبي فزعة الزوار 

تطلع كربله ولامه 

.. حياكم يلطامه 

~~~

فازع من ذاتي فازع 

طالع لحسيني طالع 

مجلس ما مره شابع 

.. كلساع انريد 

تطلع روحي بعزائك 

وابجي من اسمع دعائك 

لازم اشرب وفائك 

.. عباس يفيد 

من عندك خذيناها 

خوتنه وحفظناها 

ياهو المثله سواها 

.. لخوه ذب عينه 

جاه ابيتنه عيونه 

جتال اليحبونه 

اخو اخيته يسمونه 

.. عزيز سكينه 

باجر بالظهور ايجيب 

بيده المهدي صمصامه 

.. حياكم يلطامه 

تعديل المقال